Izzat Kiya Karo( on Women's Day in HINDI)

Not in DEVANAGARI script

===izzat kiya karo===
Copyright©pushkar prabhat, 2014

Mahilla divas hai, aaj,
Sab hitaishi(well wishers) aayenge.
Kabhi aur din bhi,
Kuch inki izzat kiya karo.

Facebook par dikhawe se,
To log jaanege.
Khud bhi khud se najar mila pao,
Kuch aisa karo.

Apni niyat ka ilzaam,
Doosro ki sirat par kyu daalte ho.
Kahi, koi bhi munni na ho badnaam,
Kuch aise akhir jiya karo.

Har jaan shikaar hone se pehle, aur baad,
Patni, premika, behen, beti ya maa hai.
Shikaar ke waqt rishte badal thode na jaate hai,
Kuch khayal apne rishtewaalon ka kiya karo.

Tum unko bebas, kamjor, lachaar, abla
Samajhte ho, samjho.
To fir jab sab samajhte ho to,
Koi attyachar mat kiya karo.

Hai wo bhi insaan,
Bus ek gunsutra(chromosome) ka fark hai.
Itne se antar ko kubool kar sako, rooh me,
Kuch to majbooti rakha karo.

Arre tum kya kaayede banate ho,
Doosro ke liye,
Sab allah ke hai, barabar ka haq hai,
Sun lo tum khud,
Kuch kaayede se raha karo.
______________________________

Reviews

[Rehan Roy]

Kavivar! Aapki ye rachna updeshatmak hai. Jis vyakti, samaj ya rastra ne narijaati ki avhelna ki hai, use bhog ki vastu mankar uska shoshan kiya hai; us vyakti, samaj or desh ka sarvonmukhi (all-dimensional) patan hua hai. Itihaas aise kitne udharno se bhara-para hai. Utthan ka arth sirf bhoutik unnati nahi hai jaisa ki paschatya desho ke sambandh me hum mante hain apitu utthan ya pragati ka vastvik arth hai sacche sukh aur shanti ki prapti. Videsh ke logon me maansik rogon ki pratisat aur parivarik ashanti, hmare desh ki tulna me kai guna jyada hai. Agar mere dwara kuch visyaantar hua to, kshma karen.