Ek Arsa Hua Tujhpe Kuch Likhe(in HINDI)

Not in Devanagari script.

====Ek arsa hua tujhpe kuch likhe====
Copyright©pushkar prabhat, 2014
Ek arsa hua tujhpe kuch likhe huye.
Nhi, aisa nhi ki mera pyaar ab kavita nhi karta.
Aisa nhi ki man me teri yaadon ka kafila nhi chalta.
Aisa bhi nhi ki ab aansuon ki syaahi nhi milti.
Nhi aisa nhi ki ab ye dil se aahein nhi nikalti.

Bus yu hai,
Ki pareshaan is dil ko zara aaram pahucha raha hu.
Isse pehle ki kalam ki nib koi zakhm fir udhede,
Waqt ka malham laga raha hu.
Par fir kisi roz jab,
Meri ye tanhayi hogi,
Yaadon ka sama hoga,
Aur kuch ashk kaagaj bhigo denge.
Tab, koi gazal, koi sher mukammal hoga.

Ye bhi ajeeb hai na,
Ki jis panne pe saara dard simta hoga,
Use faad sakunga,
Use jala sakunga.
Shayad kahin fek use,
Bhula sakunga.
Par kavita mitegi nhi,
Dard tab bhi utna hoga.
Haan aansu sookh jayenge,
Wo lamha gujar jayega.
Un panno me wo,
Gazal, kavita, ya sher kho jayega.
Par ye tanhayi, teri yaadein mitegi nhi.
Kuch khule zakhm honge,
Aur haan, ye dard tab bhi hoga.......utna hi hoga.
__________________________________________
Would love to read your comments if you could spare me a few seconds of your online time! Thank you for reading.

Reviews

[shardha sharma]

humari yaadein hume jeene nhi deti, hume marne nhi deti...
baki to fir bhi sambhal jate hain waqt ke saath...
ek shaayer ki kalam hai ki uske zakhmo ko bharne nhi deti !

bahut sundar kavita hai aapki pushkar ji ! aise hi apni kalam ka jaadu bikherte rahiye:))

[Pushkar Prabhat]

baap re......aap to kamaal ki shayara nikli............bahot shukriya........!!! :) :)

[shardha sharma]

haha aisi baat nahi hai bus kabhi kabhi !

[Pushkar Prabhat]

aapki hindi kavita padhne bhi ka saubhagya milna chahiye hamein.........

[shardha sharma]

ji..koshish karke dekhungi kabhi likhne ki...

[Arjun Singh]

Pushkar bhaiya.... Acha lga kisi ne Hindi me kavita dali yha...
Angrezi se chutkara diya...
Aisi sundr kavitayen likhte rhiye, aur hamari kavitayen pdhte rhiye ( angrezi me hai to kya hua ?.... lol ;) )
Bdhiya!!!

[Jyoti_Ablaze]

Bohat khoob likha he..
Words were dripping with emotions.. And with such eloquence and grace..
Beautifully written..! I liked it..!

[Pushkar Prabhat]

bahot bahot shukriya........ :) :)

[Gurleen Saluja]

Par fir kisi roz jab,
Meri ye tanhayi hogi,
Yaadon ka sama hoga,
Aur kuch ashk kaagaj bhigo denge.
Tab, koi gazal, koi sher mukammal hoga.

The lines I liked the most. Shukriya is kavita ke varnan ke liye. :)
Keep writing. :)

[Pushkar Prabhat]

bahot bahot shukriya............!!! :) :)

[Gurleen Saluja]

Welcome :)

[armin]

Oh my, i am glad I'll be able to speak some hindi now. Ok let's start
Ye Kavita bohut khoobsurat hai, tumne iss par bohut accha kaam kiya hai.
Haha, i enjoyed speaking some hindi.

A heartfelt write mate.

armin. ...

[Pushkar Prabhat]

ji meri khush-kismati jo meri wajah se aap hindi bol paaye........aapki duaon ke liya shukriya......dhanyawaad!!! :) :)

[Amulya Bhardwaj]

Baahut gehri feelings... Deep emotions...
Its now one of my fav writes...
Brillliiaaaannnttt !!!!!

[Pushkar Prabhat]

shukriya.........mohabbat............shukriya.............!!! :) :)

[Amulya Bhardwaj]

He he... Achcha tell me how do write such beautiful Hindi poetries ?
Maine bhi likhi hain but... I always think k kaafi over e hojta hai mera likha hua lol over MATLAB filmy ;P

[Pushkar Prabhat]

arre dil se jab baat niklegi to kranti hogi hi........jarur padhayein mujhe apne sher aur kavita.......

[Amulya Bhardwaj]

aho ji!! bilkil pdhayngy...

[Pushkar Prabhat]

intezaar rahega..... :D

[Rounak Jain]

Isse pehle ki kalam ki nib koi zakhm fir udhede,
Waqt ka malham laga raha hu. ........... this was the best... lovely poem. touched.

[Pushkar Prabhat]

shukriya............shukriya.........!!! :) :)

[M.A.Rathore]

Sundartam abhivayti ek ubharata shayaar...
Likhate raho jakham hare hi rahenge...

[Pushkar Prabhat]

ji kaviraj.......danyawaad!!!

[M.A.Rathore]

Chalo maan lenge 2015 tak...
Ya mana lenge

[Saddam]

Hum kitna bhi english poetry ke piche bhage par hamari jaban ki koi bhi sani nahi hai. Ye jo kavita hai...esa lag raha hai ki khud ko kagaj par utarne ki koshish ki gai hai. Kya hum kabhi uski yadon ko apne dil ke kone se nikal sakenge? javab sab jante hai.
Mere liye ye us jakham ko kuredne jaisa hai. Is kavita se to meri najar na hat rahi thi. teen baar pad chuka hun...ummid karta hun phir samay dunga.

[Rehan Roy]

Ati sundar rachna, Pushkar.