PURANA GHAR ( in HINDI)

a HINDI poem but NOT in DEVANAGARI script. It is about the emotions one goes through while leaving one's chilhood home forever.

wo makaan ki jisko bachpan se ghar bulaya tha,
ashiyana samajh ke barso se jise sajaya tha,
chor chale hai usko akhiri alwida keh ke,
dil me to use lekar, par vida le ke.
yaad aane ko to har diwaar bhi yaad aayegi,
gujre sadiyon ki jhalak jaan liye jaayegi.

wo chat pe jhanda jo ladakpan me kabhi lagaya tha,
phool ke paudhe jo shauk se mai laaya tha.
chal pade dur saaman me wo jhanda le ke,
ab ped ban chuke paudho ko dua de ke.
jab rang ghola tha tanki me wo holi, yaad aayegi,
wo bulb ki ladiyan to diwaali ki rangoli yaad aayegi.

isi ghar me to pehli baar maine kadam badhaya tha,
kaise bhulu ki pyaar ka pehla khat bhi to yahi aaya tha.
chal raha hu inhi yaadon ka bhaari samaan le ke,
aur kuch to majburi me ghar hi ke hawale kar ke.
itni khushiyo ke beech kuch to gam ki bhi yaad aayegi,
akhiri mahino me dendaaro se papa ki ladayi yaad aayegi.

ab naye ghar ko basayenge jaise ise basaya tha,
khushiyan fir aayengi jaise ghum, dabe pao chala aaya tha.
aur fir hum to ja rahe hai jeewan ka sabak le ke,
bhul to thi huyi par ab galtiyon ka karz de ke.
maana ki jahan jawan huye us angan ki kami satayegi,
ab jawan khoon hai jazba, bahaar laut ke fir aayengi.

Author's Note

Please express your views.

Reviews

[shardha sharma]

hum insaan hain aur samaye ki dhara me beh jate hain,,,
jaan to nahin unme jo shabdon me bayaan kar sakein,,,,
par chhorte waqt puraane ghar bahut kuchh keh jate hain..!


bahut achhi kavita likhi hai aapne. :)

[Rounak Jain]

This is stunning. very true. nicely crafted. Enjoyed reading this. overwhelmed.

[Pushkar Prabhat]

bahot shukriya aapka............... :) :)

[Gaurav Walia]

simply amazing! very well expressed...

[paras]

excellent work..!! ghar aangan hoki n diwali all these mean a lot and you've perfectly described it :) childhood and moving forward :) keep up..!!

[Linda alexander]

mene kuch hindi mal sakthi hi, isleye poora arth nahi samach gayi, mem malayalam bol sakthi, valare nanayittundu, eniyum eshuthukka, thankallude kavitha nalla artha sampushttamannu, mattu kavithakal nannayi aswadhichu, bhasha english adhava malayalam aayirunnengil aagrahichu poyyi

[Linda alexander]

Great write, emotions are expressed fully, enjoyed, love to read a poem in hindi

[Saddam]

ghar....ghar mera sansar hai.....jab bhi sham ko mai ghar par jata hu sukun milta hai....Ek chinta bhi satati hai , mai maa se kahta hu mai bahar bade sahar mein ghar kharidunga par baad mei sochta hu kya mujhe waha nind ayegi....
Yadein aur bachpan sath chalta hai...
very kind poem.

[Saddam]

ghar....ghar mera sansar hai.....jab bhi sham ko mai ghar par jata hu sukun milta hai....Ek chinta bhi satati hai , mai maa se kahta hu mai bahar bade sahar mein ghar kharidunga par baad mei sochta hu kya mujhe waha nind ayegi....
Yadein aur bachpan sath chalta hai...
very kind poem.

[AYVID N]

Very touching and moving. Loved reading a poem in Hindi for the first time on WC. Maybe be should start a club or something. Thank you for sharing Penny.

[Penny]

My pleasure divya. Well actually the group i created was for the same purpose but not many writers submit to it. Why don't you shaking up things a little bit

[AYVID N]

Ok. We will try again :)

[Penny]

Thnx

[Rehan Roy]

Hum jahan rahte hain, us jagah se ek prakar ki atmiyata mahsus karte hain aur is lagaav ko is kriti ke dwara utkristhtapoorvak abhivyakt kiya gaya hai.

[Penny]

Oh.. i didn't mean to hurt you, why did you delete the comment? Sorry.

[Rehan Roy]

My comment could be construed as a derision by anyone.