Ek Tarfa-3

One sided Love story

Ek Tarfa-3

“Riya apne bhaiya ko bula lao ..we have to leave “

“Mam you are looking very beautiful”, ek student ne kaha.

Preeti ne pehli dafa saaree pehni thi…black colour with long earrings…maano kisi ke liye tayar hui ho.

“Gorgeous”, Dhairya ne kaha.

“Riya tumhare bhaiya har kisi ladki ke sath aise hi flirt karte hai?”

“Mam even I am shocked ….bhaiya to  bahut shy nature ke hai”

“Dekha meine kaha tha na aapse ki mein genuinely aapki tareef kar raha tha”

“Acha ji Maan lia”

“Waise if I am not wrong aapka naam Maddy hai..woh kyun?”

“Ji wo mein sher o shayari bahut karta hun to mere saare friends mujhe pagal samjhte hai aur usi ke chalte naam rakh dia maddy”

“Saare Friends…matlab mein to aapko dhairya hi bulaun”

“Ji Mohtarma..agar aapko meri dosti kubool ho to aap mujhe pyar se Maddy bula sakti hai”

“Ok Maddy done”

“Suniye …hamari baat adhoori reh gayi thi”

“Kaun si”

“Yehi ki aapko aakhon mein jo gam chupa hai wo aakhon ka raasta kab le payengi?”

Preeti dang reh gayi. Yeh kya beete kuch shaam ke panne Maddy ne dohara diye the. Ajeeb sa darr cha gaya tha preeti ke mann mein.

Haste hue usne baat talte hue kaha “Mazak bhi khoob kar lete hai aap”

“Aksar log mjhe aise hi chup karwate hai…Sach bataiye aap din mein kitni baar aapne inn aasun ko chalakne se rokti hogi aur muskurahat ka maukhota odd leti hongi”

Preeti ko laga jaise kisi ne usko aina dikha diya ho.Wo ghabra kar party se chali gayi.

Room par pahunch kar wo apne aasun paunch hi rahi thi ki uske room ki bell baji.

“Kaun hai?”

“Maddy..I am sorry Preeti..ek baar darwaza kholo”

“Sorry kis liye”, preeti ne darwaza kholte hue kaha.

“Achaji to fir odd li Muskaan unn aasun ko chupane ke liye”

“Dhairya I think aap apni limit cross kar rahe hai”

“well I don’t think so”

“Bye dhairya”

“No preeti I am not going anywhere…kyun tum kisi se kuch kehti nahi ho”

“Mr Dhairya…hume mile hue mushkil se 1 din hua hai aur aap kis haq se yeh sawaal puch rahe hai?...aur mujhe nahi lagta ki iske aage mujhe kuch b kehne ki zarurat hai”

“I am sorry Preeti bye…lekin jaate jaate ek baat kehni thi ..izzazat hai to keh dun?”

“Boliye”

“Shayad ab life mein ladki dhundunga to bilkul aapke jaise”, yeh keh kar dhairya wahan se chala gaya.

Preeti dang reh gayi ki tabhi phone ki ghanta baji. “Saahil calling…”Preeti ne phone kaat diya aur sone chali gayi.

Agle din preeti ne students ko wapis lekar delhi jana tha.

Raat bhar usse neend nahi ayi…usse sirf dhairya ki baat dhyan aa rahi thi. Raat bhar yehi sochti rahi ki dhairya se nazare kaise milayegi?

 

Riya ke room ke bahar wo wait kar hi rahi thi ki ek student ne aakar kaha “Mam riya to apne brother ke sath chali gayi…Aapke liye letter diya tha Dhairya bhaiya ne”

“Theek hai ..thank you..tum sab bas mei beth jao”

“Preeti,

 

Mam nahi bolunga..i don’t want ki jab tum yeh letter padho to tumhe lage ki kisi ka bhai bol raha hai.

Aaj tak aise kashish  kisi ladki ki aankhon mein nahi dikhi jitni uss raat tumhare aakhon mein thi…kaash mein doob pata uss geharai mein lekin shayad badnaseebi isse h kehte hai ki tum apna dard  bhi mjhse nahi keh payi. Kher jis kisi ke wajah se uss raat tumhari aakhein nam hui thi milna chahunga uss shaks se…yeh dekhne ke liye ki kya hai wo khoobi usme jiski wajah se tumne uss raat darwaza mere liye band kar dia tha.

Wahi baat dohraunga ki kab bhi koi ladki mili tum jaise toh usi ko humsafar banaunga”

Hamesha muskurati rehna

              Maddy”

Muskurahat chaa gayi thi preeti ke hothon par....

....To be continued.