AKO

 

 

 

Ang sabi nyo'y ako ang pag-asa nitong ating Inang Bayan
Ako ang sasagip sa nararanasan nitong kahirapan;
Ako ang gagamot sa mahapding sugat na nararamdaman
Ng lahat ng anak na nangakahimlay sa kanyang kandungan.

Madalas sabihin ng ilan sa inyong ako ang siyang sagot
Sa mga tanong n'yong magpahanggang- ngayo'y 'di pa rin malimot;
Paano si Juan? Kailan tataas ang sweldong karampot?
Sino ang mabuti at karapat-dapat maging isang lingkod?

Nariyan sa kalye ang napakaraming matang nang-uuyam
Mayro'ng nanlilibak, mayro'ng nagmamaktol at mayro'ng palaban;
Mayroon din namang naglalahad-kamay upang magkalaman
Ang mga sikmurang kahit tanghali na'y hanap ang almusal.

Mga kapuspalad, kaawa-awa nga kung ating isipin
Kapatid raw sila kaya nga dapat lang na sila'y sagipin;
At ako ang sagot sa madalas nilang dinadaing-daing
Ako ang pag-asa sa muling pagbangon nitong bayan natin.

Paano nga kaya matutupad itong hinahanap ninyo?
Ako'y walang-wala kundi ang mumunting pag-asang dala ko;
Ang kaalaman ko'y dapat pang hubugin ng mga kamay n'yo
Kasama ang pusong makauunawa sa kalagayan ko.

O, paano kaya ang bulsa kong butas lalo kapag 'exam'?
O kaya'y ang 'project' na di ko magawa pag walang 'materials'
Batid ko rin naman, kaya kong umawit, kaya kong sumayaw
Subalit 'ni walang pangrenta man laman niyong kasuotan.

Sana naman ako'y handugan n'yong muli ng malaking puso
Sa tuwing papasok na nakatatawa ang suot kong baro;
Nais ko lang namang marinig na muli, mahalagang turo
Upang sa pagdating ng bagong umaga'y wala ng susuko.

Oo, payag ako, ako ang sasagot sa mga tanong n'yo
Ako ang sasagip, ang s'yang magbabago sa lupaing ito;
Ako'y kabataan, mag-aaral akong sana'y tulungan n'yo
Isa akong dukhang nagsisikap maging 'di lamang 'sang AKO!

                         ---Dhaye

Author's Note

Masdan Mo Ang Mga Bata by ASIN

Reviews

[Daisie Vergara (Dhaye)]

I came to write this piece remembering Jose Rizal's words that "the youth is the hope of our nation". Then as a teacher, nakikita ko naman yung ibang students, hindi active or tinatamad mag-aral kasi walang baon, walang pambili ng materials para sa project, hindi makasali sa activities kasi walang pera.
Wala akong sinisisi sa mga nakikita ko kasi hindi ko naman talaga alam ang dahilan kung bakit mahirap ang mga magulang ng mga mag-aaral na yun, at hindi ko rin alam kung bakit hindi sapat ang pondo para masabi nating ang "Education For All" ay talagang libre para sa lahat...kaya maaring tama yung mga sinabi ni Gab.
Medyo pinakita ko na lang na humihingi ng suporta ang mga bata upang magamit nila ang kanilang mga kaalaman at kasanayan. Maaaring humihingi sila ng tulong sa mismong mga magulang, sa komunidad, sa gobyerno, o sa mga guro at sinumang may mabuting puso na makatutugon sa kanilang mga karaingan.

Salamat sa pagbasa at paglathala ng aking akda, Kabayan.

[Daisie Vergara (Dhaye)]

https://www.youtube.com/watch?v=nRxrgoEPY2w

[Daisie Vergara (Dhaye)]

Last suggestion: AWIT SA MGA BATA by Noel Cabangon. Suko na ako. Mahirap nga hanapan ng kanta.
https://www.youtube.com/watch?v=_uTjdSk7OQE

[Pinoy Ako]

OK I will check that out ...thanks for input Dhaye

[Pinoy Ako]

Awit Sa Mga Bata or Masdan Mo Ang Mga Bata by ASIN ... I think the latter hit your main point of view of your piece ...

[Daisie Vergara (Dhaye)]

Ah pareho lang message nyan. Okay na yan. Thanks, Neil.

[gabrielle]

Una sa lahat maligayang araw ng kalayaan =) May pagkatibak ang tema ng tulang ito ako tuloy ay nag-aalangan na ibato mo sa akin na hindi pa natin nakakamit ang tunay na kalayaan dahil tayo pa rin ay nananatiling lugmok sa kahirapan.

This tackles a heavy topic pero ipinapakita niya dito ang isang katotohanan na ang pag-asa ng bayan ay kailangan din bigyan ng suporta upang sila talaga ay maging pag-asa ng bayan. For how can we become the hope of the fatherland if and when we are not being honed to be as such.

[Pinoy Ako]

Any song you suggest here Gab ?

[gabrielle]

Batang bata ka pa by sugarfree. kaso lang masyadong upbeat yata yung song for this nakakaiyak na tula. :).

[Pinoy Ako]

Its a revive song from Apo Hiking Society .

[Pinoy Ako]

Is this song appropriate Gab ?

[gabrielle]

NO..the poem is about the irresponsibility of parents or perhaps the government in providing the basic needs of the youth. The message of the song is different. Pinahirapan tayo ni dhaye na umisip ng kanta. hehehehe

[gabrielle]

i hope i was not too harsh in my last comment :). Kabayans, i came by to suggest the song "Paraiso" by Smokey Mountain. There's also a version of Lea Salonga. The song talks about poverty, the environment and rising above difficult circumstances...i think, related sa piece ni Dhaye.

[Daisie Vergara (Dhaye)]

Maaring e-attach ang music video na ito :
https://www.youtube.com/watch?v=ffMVxbhBZOE (El Filibusterismo - Kabanata 14 "Sa Bahay ng mga Mag-aaral" C)

[Daisie Vergara (Dhaye)]

Hehe. Rivermaya yan. Hanap ako ng ballad. Mahirap nga pala hanapan noh? =)

[Daisie Vergara (Dhaye)]

LOL. Parang choice ko ang piece ni Noel Cabangon. Now, listening to his songs. Tatapusin ko to...buong album. Hahaha.

[gabrielle]

i love rivermaya. Like ko rin yung awit ng kabataan..also yung "Noypi". naisip ko lang kasi na medyo solemn yung piece kaya nag-aalangan ako isuggest yun...sana may acoustic na Awit ng kabataan.=)