PAPEL, LAPIS AT TULA

 

Sa mundong ating tinitirhan
Hustisya kaya'y napapansin pa?
Kung sa mga taga-silbi't protekta ng taong bayan
Hatol sa bawat krimen ay barya?

Pagmasdan at magmasid sa iyong kinatatayuan
Sabihin sakin kung may silbi pa ang mga mata.
Mga tunay na kriminal ang bahay ay dapat kulungan
Sa daan naghahari't naghahanap ng bagong biktima.

Mula pa kay Rizal katotohana'y nalilihis
Dahil ang mga tao'y walang pagkakaisa
Madami sa atin ang nagtitiis
Habang ang mga tao sa gobyerno'y nagpapakasaya.

Paano uunlad ang bayang sinumpaan
Kung kani-kaniyang nabubulag ng salapi.
Bukas kaya'y atin pang madadatnan
O ang lahat ay magwawakas sa isang gabi?

Ako'y isang batang makata
Isa sa mga tinawag ni Rizal na pag-asa ng bayan
Paano ang tungkulin ay magagawa
Kung puro mali ang nakikita't natututunan?

Gayon pa ma'y ako'y umaasa,
Na tulad ng dakilang bayani may magbabago
Gamit ang mumunting papel, lapis at tula.
Maiparating ang nais sabihin sa mundo.

 

tula ni Ink Splotch

Reviews

[gabrielle]

Nakikita ko dito sa tulang ito ang kabataang nag-oobserba at may concern sa pagbabago. Sabi nga ng isang kanta "ang awit ng kabataan, ang awit ng panahon." Makapangyarihan ang tinig ng kabataan lalo na ngayon na halos ng lahat ng opinyon ay accessible sa social media (pero sana maging responsible naman tayo sa lahat ng ating isinusulat). A political and socially relevant piece.

[Pinoy Ako]

Salamat Gab sa pagbasa . You have sense and wisdom in your words . I do need to hear that for my own benefit . Iron sharpens iron . But sa atin we used stone to sharpen blade . So we do have other means to achieve same result . Noong akoy maliit at musmos palang .Maraming radio station sa atin na walang tigil sa pag batikos sa ating gobyerno . Alam mo naiisip ko na chosen words can have some impact on someone or somebody . And what we say whether its positive or negative . The people or person being spoken to will live up to our expectations . Kung palagi nating sasabihin sa bata na siya ay tamad walang silbi at palamunin . This child will live up to our expections . Ano kaya kung pasalamatan at purihin at ipagdasal naman natin ang mga tao na nasa posisyon sa kanilang accomplishment at nagawa at naitulong . Hindi puro na lang mali at negatibo ang nakikita at nasasabi . Baka may makita tayong pagbabago . Sorry napahaba ang sulat .

[Pinoy Ako]

Thank you Ink Splotch for sharing your piece to us. I'm sure it will be like by many writers and members of this group. My review will be forthcoming. I like to ponder this a little deeper. It does have some historical side that not all wars are won my numbers and strength alone. I will give my example. The Pen Will Always Be Mightier Than The Sword if its wielded in the noble way and right cause... ( Neil Aranda )