TANONG NG KAHAPON

 

 

Kaibigan, Kapatid, Kabayan

 

Mahirap nga ba na tayo'y magkaisa ?

Kung parehong kulay ng dugo

ang nananalaytay sa ating mga ugat

Bangis ng unos, sungit ng dagat

 

Mahirap nga ba na tayo'y maglingkod ?

Kung iisipin natin ang hirap at pagod

Patakaran ng gobyerno, maliit na pasahod

 

Mahirap nga ba na tayo'y magbago ?

Pansariling kapakanan ang tanging nasa ulo

Walang pakialam sa kapwa tao

 

Mahirap nga ba na tayo'y umunlad ?

Pawis, sipag, tiyaga ay ating itinanyag

Laki sa hirap, kalyo sa palad

 

Mahirap nga ba na tayo'y umasenso ?

Ibayong Manggagawa tangi nating produkto

Tagas Diwa nakinabang, ang bansang dayo

 

Mahirap nga ba na tayo'y umangat ?

Gaano kataas ang bawat agwat

Talangkang isip sa ati'y pinamulat

 

Mahirap nga ba na tayo'y magkalinga

Kung ito ay utos ng Banal Na Bibliya

Daing ng dukha ay walang pahinga

Huwag sanang ilabas sa kabilang tainga

 

Mahirap nga ba na tayo'y magtiwala ?

Sa Puong Maykapal na Siyang may gawa,

Ng mga bituin, ng langit at lupa

 

Manumbalik sa Kanya tangi nating pag-asa

Sa ikauunlad at kinabukasan ng ating bansa...

 

 

Tula ni NeiL ArandA  5/28/14

 

Author's Note

Ibayong Manggagawa ( Foreign, International worker and Domestic Helper )

Tagas Diwa ( Brain Drain ) Losing our home grown man power for other countries benefits

Poem inspired by the song Next In Line by After Image
and fellow filipino poets and writers on this site .

Reviews

[gabrielle]

Ang tulang ito ay napapanahon at may social relevance na may kasamang ispiritwal na aspeto. Sabi nila na ang mga Pilipino daw ay isa sa pinakarelihiyosong tao sa mundo, pero bakit ang daming naghihirap at parang tayo ay walang pakialam dito? Hindi ko masisisi ang iba nating kababayan na pumupunta sa ibang bayan para matugunan nila ang tungkulin nila sa kanilang pamilya dahil hindi naman sapat ang kinikita nila dito.
Ang ganda ng musika..=)

[Pinoy Ako]

Salamat Gab sa iyung comment at pagbasa. The song was from our very own international celebrated artist and vocalist ~ Lea Salonga

[gabrielle]

Of course. The Kim of Miss Saigon, the Eponine of Les Miserables. The voices behind Mulan and Jasmine :).

[Dhaye]

*nakinabing-- nakinabang

Daing ng *duka--- dukha

*pagasa---pag-asa

Napakaganda ng iyong tula, Neil. Pinoy talaga tayo. Wala man tayong maisulat sa wikang kinagigiliwan nating gamitin (English), hayan at malinaw na walang "writer's block" kapag Filipinong tula ang gagawin. At napakaganda ng konsepto, salamat syempre sa inspirasyong awit.
Mabuhay ka, Neil. =)

[Pinoy Ako]

Thank you so much Dhaye sa iyung faithful na pagtangkilik. I was so inspired to write this today while singing the song Next In Line. I know its possible to write something worth our time and attention in our own dialect and native language. Salamat Dhaye sa iyung pagbasa. If I find time this weekend I will try to read some of our Filipino writers piece and poems. Ang galling mo sa Tagalog grammar. I'm so glad that you are part of this group and team. I appreciate you for your full support and constructive comments.

[Pinoy Ako]

Dhaye I corrected the lines that you suggested. Thank you for your critical eye.

[Dhaye]

Not that critical, Neil. I always do my best to make constructive criticisms and not to offend anybody. Kasi ganon din ang gusto kong makita sa mga nagre-review sa akin. Kung may malasakit sa piece, tinutulungan natin ang writer na ma-improve ito.
Walang anuman.