TALA AT ASIN

Salt and Light

Tala at Asin

Inisip ko ang mundo na ikaw ay wala.

Ang kaibahan at kaibsan ng iyung

simpleng presensya at impluwensya

 

Inisip ko ang mundo na ikaw ay wala

Makamtan man sa buhay lahat ng naisin

Ay puro ulan at walang bahag-hari

 

Inisip ko ang mundo na ikaw ay wala

Alapaap na makulimlim, araw na puro gabi

Wala ni buwan ni isang bituin o tala

 

Inisip ko ang mundo na ikaw ay wala

Malawak at malago na kagubatan.

Batis na puno ng isda, napakatahimik,

wala ni isang huni at awit ng ibon

 

Iniisip ko and mundo na ikaw ay wala

Kahalintulad sa isang malaking kaharian  

Kahit napapalibutan ng karangyaan

Na mayroong hari at walang reyna.

 

Inisip ko ang mundo na ikaw ay wala

Magarbong buhay na akin may tamasain

Ihain man ang pinakamasarap na pagkain .

 

Sagana sa lahat, lamesa na puno ng handa.

Walang gana walang lasa . Para kang sangkap

sa aking hapag. Kunting taktak kunting budbod

kahit kapirangot ay nagpapaiba sa panlasa ..

 

Inisip ko ang buhay na ikaw ay wala

Makulay man ang daigdig sa paningin ng madla

Nanaisin ko pang mabuhay sa dilim, gutom, hirap

Iyong tanging pagibig ang aking ilaw at asin ...

Tula ni NeiL ArandA 5/26/14

Thoughts and words inspired by filipino poets and writers on this site

Author's Note

Reviews

[NeiL ArandA]

I like all the take of the reviewers are getting and giving here. Though this piece didn't really fared nor met the standards . The song make up for what is lacking.

[gabrielle]

Dalawang aspeto ang nakikita ko dito. (1) sa punto ng isang mangingibig at (2) sa spiritual na konteksto. Paano nga ba maeenjoy ang karangyaan or kagandahan ng paligid when there's no one to share it with? at spiritual na aspeto naman, naalala ko na ang purpose natin dito sa mundo ay maging asin at ilaw sa ibang tao.
Ah, ang kantang napili mo ay isa sa favorite Filipino songs ko. (i used the same song in my Taghoy sa Tag-araw)

[Daisie Vergara (Dhaye)]

*iyung-- iyong
inpluwensya--impluwensya
bodbod--budbod

Napakamakahulugan ng akdang ito ni Neil. Ang tala ay isang munting tanglaw sa kadiliman ng gabi, kagaya ng tapat na pag-ibig na nagpapasigla sa pusong nasa gitna ng problema. Ang asin ay sangkap na nagpapalasa ng buhay. Malalim ang kahulugan ng pagiging asin, at alam kong ito ay batay rin sa isang talata sa Banal na Aklat.

Hango sa nabasa kong tula, ito naman ang munti kong alay para sa inyo:


"ANG PAG-IBIG MO"

Katulad ng isang tala ang pag-ibig mo, aking mahal
Tanglaw ko sa bawat gabi, sa mundo ko'y nagbigay-kulay
Tanging hiling, tanging nais, ang tangi kong dinadasal
Huwag mawalay sa akin dahil ikaw lang ang aking buhay

Ikaw nga ang aking tala, ilaw ka ng aking daigdig
Dahil sa 'yo ang gabi ay tila umagang naghihintay
Bawat ngiti sa labi mo'y kumikinang na pag-ibig
Liwanag na dulot nito sa puso ko'y nagbabantay

Katulad din niyong asin na siyang nagpapalasa
Ikaw ay walang kapantay, pag-ibig mo'y walang kapara
Dahil sa 'yo ang puso ko'y patuloy na umaasa
Ang mundo mo para sa 'kin, sana'y huwag magsasara

O, tanging ikaw lamang ang s'yang ilaw ko at asin
Sana'y 'di na magmaliw ang dakilang pag-ibig natin.

****

[Pinoy Ako]

Maraming salamat tapat na kaibigan sa iyung malugod na suporta at handog na tula. Ako ay natuwa at nagalak sa pagbisita at pagbasa mo ...

[Daisie Vergara (Dhaye)]

Walang anuman, Kabayan.

[Pinoy Ako]

Dhaye isa ka talagang tunay na kaibigan. Napakaganda ng iyung alay sa akin. pero para din ito sa lahat ng makakabasa na sana nawa ay sila ay magkaroon ng inspirasyun na makihati at tumulong sa pag promote ng ating sariling wika. Napakaganda ng iyung tula. At talagang hanga ako sa iyu dahil ang dali mong naisulat . Paalam pang samantala ..

[Pinoy Ako]

Salamat sa kureksyon. Ito ay aking pinalitan na...