Alam Ko Na

Sa bawat katanungang iyong pinupuna

'Sang hudyat ng aking 'di makatarungang kaba

Tungo sa tusong titig ng iyong mga mata

Sa 'king palagay, ako'y nabihag mo na

.

Ngunit sa paanong kalagayan ang saya

Kung sa 'ting pagsasama, ako'y talo na?

Ang simula ng mga pag-aalala

At pagsasakripisyo nitong dala

.

Marahil sa 'king kaibuturan ay tanggap ko na

Bagkus ako'y isa nanamang pamana

Ng isang panaginip na naantala

At katotohanang sa mundong ito'y nagkakasala

.

Subalit anong patunay ang makukuha

Sa munting pagaalinlangan at pagpapadala

Sa kinang ng iyong mga mata

At kalaliman ng iyong mga salita?

.

Sana'y ipagpatawad mo ang aking pagsinta

Siguro ako'y naiintindihan mo na

Mga pala isipang habag sa 'king pananalita

At karagdagang pangkaloobang pagkadismaya

.

Ngayon at alam ko na,

Ako'y lalayo nalamang ba?

Ito'y isang pagtatanggal ng maskara

Sapagkat ika'y napapanaginipan ko na...