Ngiting nakaukit

Hindi ko maipaliwanag kung bakit
Sa iyong tawa't ngiti ako'y naakit
Bawat letra't salitang 'yong binabanggit
Gusto kong naririnig sa bawat saglit
Nakikita ka kahit ako'y pumikit
Ngiti mong sa isip ko ay nakaukit
'Kaw lang at 'di kailanman ipagpapalit
Sa mga mata ko'y hindi ka papangit
Ikaw ang liriko sa'king mga awit
Inspirasyon sa pagsulat at pagguhit
Ang nagbibigay lakas kapag nangangawit
Pangalan mo'y sa puso ko nakadikit
Ikaw ang paraiso at aking langit