Sana Itinadhana

Unang sulyap pa lamang sa'yo,
Tibok ng puso ko'y nagbago,
Mapupukaw mong mga mata,
Magandang tinig ng 'yong tawa,
At ang iyong mapulang labi,
Na nagpakinang sa 'yong ngiti,
Mga segundong lumilipas,
Huwag na sana pang kukupas.
Buong paligid ay nagbago,
Ako ba'y nasa paraiso?,
Diwata sa gitna ng syudad,
Imahinasyo't reyalidad,
Gusto kong ihinto ang oras,
Makapiling ka hanggang wakas.
Sana ay tayong dalawa nga,
Ang itinadhana; Sana nga.