Pinagtagpo ngunit 'di itinadhana

Unang sulyap pa lamang sa'yo,
Tibok ng puso ko'y nagbago,
Mga mata mong sobrang singkit,
Magara mong bestida't damit,

Ang 'yong magandang pulang labi,
Na nagpakinang sa 'yong ngiti,
Mga oras na lumilipas,
Huwag na tuluyang kumupas.

Buong paligid ay nagbago,
Para 'kong nasa paraiso,
Ang isang diwata sa syudad,
Imahinasyo't reyalidad,

Gusto kong ihinto ang oras,
Makapiling ka hanggang wakas,
Teka lang ba't parang may mali?
Pinagtagpo lang ng sandali,

Maligayang oras naglaho,
Kastilyong buhangi'y gumuho,
Di ata tayo nakatakda,
Pangarap ay biglang nasira,

Tadhana ba ang s'yang may gawa?
Pinaglalaruan tayo ata,
'Di nga tayo nakatadhana,
Pinagtagpo 'di tinadhana.