Alay Kay Nanay

Para sa lahat ng mga Ina, magiging Ina, at minsang naging Ina..

Bawat haplos ng iyong mga kamay
Ay kalingang walang kapantay
Sa bawat halik na dumadantay
Kalakip ang pagmamahal na tunay.

Sa pagdapa ko't pag-aray
May pag-aalagang naghihintay
Mga aral iyong ibinibigay
Upang makamit ko ang tagumpay.

Sa bawat pagsubok sa buhay
Sandigan ko ang iyong gabay
Loob ko'y pinatitibay
Ng mga ngiti mong sumisilay.

Kaya ano ka man sa loob ng bahay
Inay, Mommy, Mama o Nanay
Ikaw ang Ina na 'di sumasablay
Sa pag-aarugang walang humpay.

At bilang sa inyo'y pagpupugay
Itong pagdiriwang ay pinakahihintay
Espesyal na araw na lubos inaalay
Pagpapasalamat sa lahat ng Nanay.

Maligayang Araw ng mga Ina!!

Reviews

[Daisie Vergara (Dhaye)]

Kabayan, talagang nag-post ka ng Filipino poem dito ha? I like it. Meron din akong collection ng Filipino poems pero naghahanap ako ng site na Filipino articles lang ang pwede para lahat mabasa. Hehe. Wlala naman yatang ganon. At least marami na rin tyo ditong Kabayan. Malapit na nga naman ang Mother's Day.
hanks for sharing this. :)