Isang Tinig

It is a tagalog poem places fourth for our dialect month or "Buwan ng Wika". The theme is all about what a picture says.

Namulat ako sa mundong mapanghusga
Ginising ng mga bagay na itinakda,
Pinagsisihan, isinabuhay, nilikha, itinadhana
Ang tama ay minali nila
Ang mali ay tinama ng iba

Para akong naglalayag na walang timon
Naglalakad na walang paroroonan
Tangan-tangan ang mga paniniwalang,
Tama ay tama, mali ay mali
Mali, tama, mali, tama, ay mali pala

Itinakda na ang ngayon
Upang ang atensyo’y ituon
Sa kung saan ako’y naroroon,
Mga kasinungalingang iyong itinapon
Ako’y nagdurusa’t nananahan duon

Imumulat ang pagkakahimbing
Isasantabi ang katahimikan
Isisigaw ang mga bulong
Sasambitin ang tinik sa pusong sabik,
Uhaw at hayok sa paglahad nito

Bulag, pipi’t bingi sa kasarinlan
Tahan na sa paghikbi, tahan
Ang sakit ay akin nang iibsan,
karapata’y akin nang tangan tangan
Isasambit, kalayaan, kalayaan!

Ang kahapo’y nagwakas na sa wakas
Ngayo’y sisimulan ko ang bukas
Upang ang bukas pa’y mamayani ng pag-asa
Akin nang ipangdirigma, inyong mga salita
Ako bilang sila, kayo, ako bilang tayo

Author's Note

Sorry for the disrespect, for those who could understand the words that I used and review it I really appreciate you.

Reviews

[Benny Swells]

filipino to me sounds like soft bullets fired from a hard gun