Ye Raat Bhi Badi Besharm Hai!!!!

Raat bhi badi Besharam Hai,

Jagaati Hai,per Sataati Hai,

Khuli aankhon se,

Sapne dikhaati Hai,

Pyar main pade dil ko,

Jaane kahan le jaati Hai,

Pankkhe ki hawa ko bhi,

Sard banaati Hai,

Din bhar thake tann ko,

Karvaton se Jhulaati Hai,

Naa jaane kaise-kaise khayalon se,

Rom-Rom ko gudguda jaati Hai,

Sone ki koshish karte hai,

Per fir kisi aahat se jagaa jaati Hai,

Ye Raat bhi kambakht,

Har Raat ko aati Hai,

Aur yunhi har baar ninde udati Hai,

Hum bhi iss baar tthaan kar soye the,

Per ye thehri ziddi

Aankhon main sapne dekar,ninde chura le jaati Hai,,,

Raat bhi badi Besharam Hai,

Jagaati Hai,per Sataati Hai!!!!!!!

 

Gunjan Varma…

 

Author's Note

Please read my poem in hindi and tell me hows it...

Reviews

[Ghania]

"har raat ko atii hey''
Bohat acha!! Never thought I will find a poetry in Hindi/Urdu here. *Wishes*

[gunjan]

Thank you!!

[Ghania]

You're Welcome.

[Happy hours]

Bahut hi khubsurat. Jis tarah apne raat ko bayaan kiya hai kuch aisa hi manna mera bhi hai.thanks for sharing this beautiful piece

[gunjan]

thank you for your kind words......