Mga "Paano Kung" ng Pag-ibig

A poem of question of how much you love someone.

Paano kung ako'y wala nang malay

at tumutulo na aking laway

paghanga mo ba'y magkakalatay

o pag-ibig mo'y lalo pang iaalay

 

Paano kung ako'y bagong gising

at hininga ko ay nakakailing

haharap ka ba sa dingding

o pupunuin ako ng palalambing?

 

Paano kung ako'y sobrang nagpaaraw

at kutis ay nagkulay kalabaw

hahanap ka ba ng kulay hilaw

o sa akin ka pa rin araw-araw?

 

Paano kung pagkain ko'y lumakas

at butones ng blusa ko'y bumubukas

sa buhay ko ba'y ikaw ay tatakas

o tutulungan mo akong magbawas?

 

Paano kung boses ko'y pumangit

at hindi ko na magawang umawit

hahanap ka na ba ng kapalit

o pakikinggan akong pilit?

 

Paano kung balat na ay kulubot

at puting buhok sa ulo'y bumalot

pagmamahal mo ba'y ipagdadamot

o sa akin pa rin ay maghaharot?

 

Paano kung mauna akong langit ay abutin

at ikaw, aking mahal, ay akin nang lisanin

ako ba'y magagawa mo nang limutin

o patuloy mo pa akong mamahalin?

Author's Note

What do you think about my poem?