Higala sa Hamubong Panahon

Tula patungkol sa isang kaibigan at samahang walang limutan at iwanan.

Higala sa Hamubong Panahon

By Elai Arong

 

Lab-as pa sa akoang panunduman

Ang mga adlaw nga kita nagkauban

Sa mga lulinghayaw ug kagul-anan

Magpabiling bililhon kanako ang tanan.

 

Tungod kay ang kinabuhi hinuwaman ra man

 dunay mga tawo nga lumalabay lamang

Muagi ug manamilit sa atong kalibutan

Apan magbilin ug luna sa atong dughan.

 

Ang susama nimu lisud na nga hikalimtan,

higala kang mahigugmaon ug masinabtanun sa tanan

mag-ugmad ka ma’g laing kaagi nga dili ako ang ikauban

Ikalipay ko kana ug dili igsapayan

Higala ko gihapon ikaw bisan ug lain na ang atung kalibutan.

 

Wala may panag-ingnan kining tanan

Magpabilin kining makanunayon sa akong alimpatakan

Ug bisan unsang dagkong balod ang mudunsal sa lapyahan

Ugkatong ko gihapon ang mga mahinungdanun nga kaagi sa atong panag-uban

Bisan pa ug paghinagalaay ta  dili na mausab sama sa pagsawop sa adlaw sa  kasadpan.