Hindi Pa

A Poem by Yve

Sa ilalim ng punong mangga
Isang dalaga ang aking nakita.
Nakapikit ang kanyang mga mata
Habang ang katawan niya ay sumabasabay
Sa indayog ng duyang pula.

Labi niya ay nakangiti
Ng napakatamis at tila nakakabighani.
Makinis ang kanyang mga pisngi
Na tila nanghihikayat na ito'y haplusin gamit ang aking malambot na mga daliri.

Di man niya ako nakikita
Ang mahalaga ay kitang kita ko siya.
Di man niya ako lubusang nakilala
Ang mahalaga ay alam ko kung sino siya.

O kay ganda niya, ang ganda niya
Paa koy gustong lapitan siya
Ngunit alam kong ako'y masasaktan sa huling banda
Dahi gustohin ko mang sabihin na mahal na mahal ko siya, matagal na
Alam ko sa sarili ko na hindi pa siya tapos magmahal ng iba.