NAHI MAA NAHI

A Poem by Anshuman Aryav

A hindi poem dedicated to all girls...

Maa kyon too janm dena chaahatee hai mujhe,

Na jaane kya milega in kaaton se lad kar tujhe,

Teree kokh mein hoon maa, judee hoon tujhase,

Janm lete hee kar denge log tujhe door mujhase,

Toone zamee aasama ek kar,

Na jaane kitane takaleephon se lad kar,

Janm to de diya hai mujhe,

Par kya mujhe aapanaayenge log?

Kya beton jaise hee mujhe apanee god mein jhulaenge log?

Nahin maan nahin…

Samay beet gaya maa main badee ho gaee hoon,

Ab main apane pairo pe khadee ho gaee hoon,

Lekin mere pair bediyon mein jakade hue hai,

Na jaane kaun ise aaj bhee pakade hue hai,

Kya main in zanjeero ko tod paoongee?

Kya main is nafarat kee zamee ko chhod paoongee?

Nahin maa nahin…..

Mujhe us gagan ko chhoona hai,

Us aasama ko chhoona hai,

Do-chaar kitaaben padh ke main bhee sab jaisee ho jaoongee,

Shaayad main bhee unhee do-chaar kitaabon mein kho jaoongee,

Par mujhe kuchh karana hai maa,

Mujhe baadalon se bhee oopar jaana hai maa,

Par kya log mujhe udane denge?

Kya log mujhe is zamee ko chhod us aasama ko chhune denge?

Nahin maa nahin……

© 2017 Anshuman Aryav

Author's Note

To read in hindi visit:-
https://writeranshuman.wordpress.com/2017/09/29/%E0%A4%A8%E0%A4%B9%E0%A5%80%E0%A4%82-%E0%A4%AE%E0%A4%BE%E0%A4%81-%E0%A4%A8%E0%A4%B9%E0%A5%80%E0%A4%82/

My Review

Would you like to review this Poem?
Login | Register

Reviews

Arya

Sankat ke samai kabhi kabhi har ladkhi ye sabh sochti hai. Itne saalo ke baar bhi hamare desh me ladkhiyon ki suraksha ek sawaal hai. Duniya har ek ladkhi ko apni maa ki suraksha dena chahiye.

Posted 6 Years Ago

Kitna ajeeb lagta hai jab hum garv se kehte hai ki hamara desh bohot badal gaya hai, Par yeh ek cheez kuch log kyun nai badal na chahte??
Agar ladki hona itna hi bat kismati hai toh mitha toh inki saari nishani aur maardo sab ladkiyon ko........
Phir sar uchi kadke kehna jara ki ladke is jahan mein kaise paida honge???

Thanks for creating this strong Aryav!!