50 jaar, vandag, ewig

One of my favourite Afrikaans poems

50 jaar, vandag, ewig

 

Die mooiheid van jeug

lank vergete

sag velletjies en

sagter handjies

dié se plek geneem.

 

Maar oupa sien nog pienk wangetjies,

geverfde voetjies

ouma rus nog haar kop in die holte

van sy sterk arms.

“Mens wéét net wanneer jy

jou sielsgenoot gevind het.”

 

Na 50 jaar pas haar hand

soos ‘n legkaart

nog in syne.

Musiek en dans van lank gelede

vonkel soos wyn in

gesprek.

 

Die storie van een gees

een mens

is nou klaar geskryf

 

En vandag

dans hulle weer

in gedagte

voor sy haar kop

in die holte steek

en hulle mekaar

die ewigheid in

sing;

‘n rustige Slaap

ewig Saam

 

hulle kan weer dans

soos jong getroudes

ewig Saam.