Ma·ningsa

Ma·ningsa:

Dikkileng ganggarionga bi·na mitta

Dilseng wakilekonga grapna inta.

Do·pisa ilikbionga sa·ra baling

Hait ‘node katbrujaonga pangnajring

Rikario ku·nenga dokmikmakko jaknenga

Ina satu til·branga, una dokku matchrakka.

 

Abotari bekbekgi, nachil gokchipil·e

Kon·konari bawili bitti bitangpil·e

Dikdikhaba chel·tangja man·dikpil·e

Rupabuda na·aba nang·ni tru baksa

Kal·pabuda dingtangcha hawa nokracha

Nang·buningko okambae andipicha.

 

Saljatchio misalna okamnapang

Damsan cha·na ja·man intang

Nang·ni te·bil garira ga·timrao

Sarong rong·chrakra nokkra noksikkao

Rorimbone babune gise dokgrikgija

Katta ra·ba angjongde nambeaba.