Ripeng Namgipama

Rokkomari ripeng donga. Ia poem-o, ripeng kusini somoiosan duulako man•a ba nangan somoi-o dakchakani aro ka•dimeataniko on•ama, uko mikkrakataniko on•a.

Ripeng Namgipama:

Ripeng salanti sambao

Attam pring sal nabao.

Riting sring jakriting jeja biapo

Kusin gapantio roa ma·gapao.

 

Apsan roa ka·dinge salantio

Re·ata salrangko katchaanio.

Golpoe ma·gape jakchapa ja bilsio

Ma·chapa pangnan duk mikchi grio.

 

Gronga rokkomari baju ripengrangko

Man·a an·senga somoio duulako.

Sokbaia tebilo cha·na ringnan

Diba jajrenganio, chel·tangangan.

 

Gimaane sal rakpret ding·preto?

Nikjane a·ran ba ding·kario, nang sin·o?

Bang·pretama balrorokario ‘ro bala balpongo?

Basenan a•susuma, nikama namgipa bibalko?

 

Simsakbone, ripeng dingtanga a·selrango

Watgala dongala nang mikchi ong·o

Dongaiaba indiba chong·mot baju

Sinteo kalimanio ra·bagipa rongchu.

 

Nang·ni nangan salo sokbaama?

Baljrimaniko olchakna re·baama?

Ka·dimeatani, kusini ‘ro katchaatani

Sambaoma baju, ong·ama nang baksa mikchi?

Dongode, uan ong·a nang kakket mahari chatchi,

Chadeng warakchakgipa, sangipa; dongjaha bangki.

Uni gimin ukon gamchate rakkibo, maina uan sona,

Uanke nang Te·teng, rang·gitik on·gipa nang·na rupa.