Gimaanio ong·jaha

Ia poem ba git-o saksa mande mitchianio gungri janggi tangani jamano Jisuni kema ka·aniko bi·a. Ka·sachakaniko man·e ua katchae paraka aro ring·mitela.

Gimaanio ong·jaha:

 

Sal salantio ang songreanio

Skatang dake ang ja·ku ga·antio.

Noksam cha·chidamosa mitchibeaosa

Re·ata gungrie nina misilaosa.

 

Noksul songsulrang baksa

Donga mikbu miknengaosa.

Donmitapesa agan golpoanio

Re·ata gungrie janggi tanganio.

 

Ang daka p’lak kamrango

Man·a krenga ang togiao

Ding·ol gramchiagri arate asonge

Re·ata gungrie cha·aoe tange.

 

Indiba da·o anga, Jisu baksasa tanga

Maina anga Un ka·sachakako am·aha.

Uan angni paprangko su·srangaha

P’lak angni moilako, Jisuan chisolo kimitaha.

Ang gisik ka·tong da·o ka·srokbea

Angni jokatgipana mitelan gitkko ring·a

Maina ang janggi gimanio ong·jaha

Sigimin janggiko Jisun an·chichi man·pilaha.