Kab lautegi meri hansi

Aankhon se aansu beh gaye
Kehna tha bahut kuch par khamosh reh gaye

Hoth na keh sake jo wo aankhon ne kaha
Jag hai ujiyara kintu mann mein chhaya andhera

Waqt ne ese diye zakhm
Bhar na sake jisey koi bhi malham

Samay ka chakra ghumta rehta
Jane kyun mere jeevan ka savera nhi hota

Akhir kab tak rahegi ye udasi.
Kab lautegi meri hansi

Zindagi ke iss mod par nahin dikhti asha ki koi kiran
Uljhano mein fansa rehta mera mann

Dukhon ke ye badal kyun nhi chhatte
Badkismati ke ye panne kyun nhi palatte