dar lagta hai....

A Poem by Sonam Gangwar

Ankhon me sapne,dil me umang lie
asmaan chhune nikli hun
par bahar taktaki lagae baithe luteron se
mjhe dar lagta h

main kayar nhi hun
par vo bahut keemti hai
islie dar lagta hai

ek pal ke lie bhi koi surakshit nhi hai
pita ko navjaat ke bachpan
aur bete ko maa ke budhape se bhi
dar lagta hai

kahan chhupoon ?? kya chhupaun ??
vo jante hain main kya hun
anjaan soonsaan rastey to surakshit hain
in raston me jane kon mil jae
isse dar lagta hai

bal-hathiyar sab bekar hai
haivanon ki ye prajati jhund me shikar karti h
din me bhi bahar bhejne se
maa yun hi to nhi darti hai
andhi parvat toofan bijli sab se lad lun
par ajkal mjhe insanon se dar lagta hai

kya karungi...kaise karoongi
aise me bhi bhagwan yahan nhi ata
vyast h..nhi a sakta..par apne pas bhi nhi bulata
jism k marne ka intzar nhi hota
rooh k marne se pehle bula lena
mujhe marne se pehle marne se bahut dar lagta hai

vo is zinda lash ke zinda hone ki duaen karegi
aur main us zinda lash ko akela chood lash ho jaungi
rosh se jalte,dard se pighalte,mere lie dhadakte
meri maa ke dil se dar lagta h