BIKOL POEMS

I

Pasta sa bikol?

(romanticism)

 

 

Tulong minutong tiyansa kada banggui na mailing

Ta kang hampangan habang nagraranihan kita

Sa lambing saro pero pinugulan ko eksaktong

Sarong dangkal ngarig dai kita maduling

 

Sarong perpeektong distansya para mailing ko an

Saimong maamong pandok, an mala tsokolate mong mata

An maray na urmang dungo, an dae pa

Naiirong kiray buda an mala Hollywood mong buhok.

 

Bago pa man matapos an oras nagnganga ka na

Saka ko nilaog, taas baba dikit na pundo

Tapos hinali. Nagngiritan kita na parang gusting

Adukan an mala rosa mong ngabil.

 

Kung dai lang ako napádukan sa

Pagrusdos kan pasta sa alunan.

 

II

Large

(Naturalism)

 

Naghihidali ako kan enot ta kang nahiling

Nagwapuhan ako sa pagbado-bado mo

Pagbalik ko sa tindahan nahiling ko ika giraray

Kinaputan ko an dagan mo, hinali ko man

Ang butones ta garong natotook ka

Kan biglang may naghapot “anong size?”

 

III

Sira

(Impressionism)

Malinig and kamot mo?

Ta pigparagusgos mo ang liog ko

Baka mangiturog na ako kaan

Sa siram kan himas mo.

 

Dae na dyan sa may ikog ta

Medyo nalilindok na ako

Tama na an himas, atyan na man

Aram ko tig guguluguluhan ka sako

 

Kaya pakaunon mo na ako

Ta naguguto na ako

Uy, masiramon ang parong

Ano and pigluluto kan ina mo?

IV

SUKLAT

(Going out poem)

Makaskasun man, malanit ang buhok sa mata.

Alat, nag-shampoo ako? Amo.

Nagsabon ako? Amo.

Makiturol daw tabi.

Nag-facial cream ako? Amo.

Nagpulbo ako? Amo.

Nag-lotion ako? Amo.

Nagpahamot ako? Amo.

Nagsukray ako? Amo.

Nag-lip gloss ako? Amo.

Bayad tabi, B.U. studyante.

Nagsipilyo ako? Amo.

Para tabi.

Nyanga ta naisip ko yadto? Din nagpun?

V

Plaslayt

Alas siete na nagsapna ka na?

Iyo na!

Anong pigpaplantsa mo? 

 Meow.

 Ring!! Hello nata nag apod ka?

Haen su sapatos ko?

La la lavader le le lemon..

Nailing mo su turnilyo?

Mama dagdagan mo balon ko sa aga.

Nagutom na ako.

Sa pagbabalik ng TViiiiiii patr…

ay o brown out!

Haen su plashlayt? Hanapa na!

Meow.

Gumilid ka daw dyan na ikus ka.

 

Kasubagong may liwanag pa

dae nindo ako pig iintindi

ngunyan na madiklom na

nagirumduman na nindu ako.

VI

Mama, Papa,…

Gari akong nagayuma kan pagsabi niyang isara ko an mata ko,

Nanrilipot su bitis ko mantang ginigibo niya ito.

Dae ako makapaniwala, amayun kong isinuko ini,

Iningatan ko ini lampas benteng taon tapos arog lang kaini mawawara!

Nagsabi man kuta akong dae.

Sinabihan ko siya abo kong mawara ini

Pero nagpumirit siya.

Nalingawan ko su utob ko

Na magiging birhen ini habang buhay.

Ngunyan pagnag aampang ako sa salming

Nagigirumduman ko kung panu niya ito ginibo

Nauuyam ako sa sadiri ko na pigtawanan ko siyang pirmiso na kaputan ining pabalik balik.

Ngunyan napapahibi ako pagnailing ko na bako na birhen ang kiray ko!

VII

Uyyy,

 

Tamang tama ang panahon

Para magsurat ki tula

Mantang dae nagpupundo ang uran;

Makusugon an daguldol,

Na may duwang ilaw na nakasulo,

Apat na bentilador sa kisame na nagiitok

Sa kwarto numero dosyentos kwatro.

Buda sarong barkadang may ginigibo sa inutan.

Earphone sa talinga habang

Uruutrung pigdadangog an ‘something stupid’

Mantang nakaigda ang pisngi sa palad habang

Naka iling sa bintana

Dae nagaaram na nasaraduhan na kami kan gwardiya!

VIII

Napánu?

Maray na aga! Tighahanap ko tabi si Atty. Li Fe

-Lumiko ka sa wala, inot na pinto. �" Salamat.

 

Atorni, bako man ini su buhay na pinirmahan ko

Baka nabalyo mo su papeles ko sa iba. Paki iling daw tabi.

 

-aw iyo o! Pasensya na tabi. Nabalyo ko man nanggad su pirma mo ki Ms. X na papeles. Pasensya na tabi wara tabi akong magiginibo ngunyan ta dae pa man natapos su kontrata buda nauugma pa siya sa biyahe.

 

Anu nauugma siya sa buhay na bako man saiya?!

Dae! Dae! Gibuhan mo ining paagi, wara akong labot kung papanuhun mo basta ibalik mo sako su pinirmahan kong buhay bente unong taon na an nakaagi.  Ilinga an ginibo mo, bako ako maugma sa buhay ko. Araaldaw nakatukaw ako sa may bintana pigdadangog an tunog buda pigsusulyapan ang pangiturugan kong naglalayog. Kaya bawiun mo ito saiya ibalik mo sako!

IX

Ser

 

Masurat akong tula pero nalilibong ako kung tungkol sa takure o sa pistil. Kung takure tungkol sa malipot na tubig na dadangdangon para painitun, kung pistil naman tungkol sa tubig na làsay na ikakaag sa rep para paliputon. Ano daw takure o pistil? Ay makalibong! Makarigus daw nguna ako.

X

Alitaptap?

 

Ano daw itong nagkikinang kinang?

Bati napiruton na ako.

Ay sus su pansabit man

sana palan sa kubong!