A Journey On Broken Road (Urdu)

Its an amazing story of a journey, on a broken road, passing through high hills and mountains, joining some villages... its shows real beauty of nature and thrill of a modern powerful car...

Kuch chezain insan ki zindgi mein aysi hoti hain jo uski zindgi ko achanak aik nya rukh dy dyti hain. Dekhnay mein wo kuch zyada ghair mamoli nai hotien lekin unki wja sy insan ki zindgi mein boht ghair mamooli badlao atay hain.

            Aysy hi aik ghair mamoli safar ki kahani apky samnay pesh krny ja raha hun, jo dekhnay mein bilkul mamoli sa tha pr uski wja sy jo badlao aya wo zra bhi mamoli nai tha.

            Aik purani tooti hoi sarak, aik sunsan ilaka, na dur tk koi abadi na hi koi ghar, bs kahin kahin koi darakht or sarak sy kafi duri pr paharon ki kitaarain thien. Ye rasta kuch dur draz ky gaon sy hota hoa dusry mulk ky border pr milta hy, porany wakton mein jb koi dusra mutbadil rasta na tha us wakt ye rasta istimal hoa krta tha. Lekin ab is sarak sy kafi duri pr paharon ko kaat kaat kr aik or nya rasta bnaya gya tha, nya rasta is puranay rastay ki nisbat km khatrnak tha or behtr bhi tha is liye ab tmam traffic us nye rastay sy ho kr guzrti thi, lekin us mein bhi aik khami thi, wo nya rasta paharon ky upr sy ho kr guzrnay ki bjaye paharon ko kaat kr surangain bna kr guzara gya tha jis ki wja sy wo zyada unchai tk na jata tha or boht sy gaon jo paharon ki chotion pr thay wahan tk jana na mumkin tha, wahan tk janay ka bs aik hi rasta tha, wo purana toota hoa road. Purana rasta ab boht sunsan tha din mein muskil sy aik ya 2 garian wahan sy guzr kr jati thien, dur dur tk na koi ruknay ki jga thi na kuch khany peenay ki, bs thay to pahar or darakht. Baz dfa to kyi dino bad koi gari guzrti thi. Itni mushkilat ki wja sy kuch log to 4-5 garion ka kafila bna kr jatay ky agr koi msla ho jye to aik dusry ki madded ki ja skay lekin kuch log jo khud pr zyada bhrosa krty hain wo akely hi wahan jany ko tyar ho jaty.

            Barsaat ka mosam tha, apni kudrti bnawat ki wja sy wahan boht barish hoti thi. Drakhaton ky paton sy tapakti pani ki boondain or phr garajti hoi bijli ki wja sy un pr parti chamak such mein kabil-e-tarif thi. Sardion ka aagaz tha, or sath sath barish ki wja sy mosam boht hi thanda or khubsurat tha. Kuch log mehz is khubsurti ko kareeb sy dekhnay ky lye is khatarnak or mushkilat bharay rastay pr safr krny ki himmt krty thay.

            Halki halki barish ho rhi thi sarak pr kahin kahin thoda pani jma tha, aik car kafi tez rafter sy wahan sy guzr rhi thi, maloom ho raha tha jysy us pr kisi b zhez ka koi asar nai ho raha. Achanak aik zordar awaaz ayi or wo gari sarak ky aik kinary rukk gyi. Kuch lamhaat baad aik larki us car mein sy nikli, or car ty tyres ko ghoom kr dekhny lgi.

            Dekhnay mein wo zyada umer ki nai thi, 21-22 sal ki maloom ho rhi thi. Red color ka kafi modern dress pehna hoa tha or kafi khubsurat thi. Car ky pechlay bayen tyre mein sy kafi dhooan nikl raha tha. Tyre ki hwa nikl gyi thi or tyre ky andr ka kafi hissa burri trah toot gya tha, maloom ho raha tha jaisa car kafi tez raftar sy kisi khaday mein sy guzri hy jiski wja sy ye nuksaan hoa. Car ka tyre dekh ke wo kafi preshan ho gyi, kiun ky ab ye baat saaf thi ky car ab agay nai ja skti.  Ab na koi wapsi ka rasta tha na hi agay janay ka, is lye wo kafi preshan thi wo kuch soch kr car mein ja kr baith gyi or intizar krny lgi ky koi wahan sy guzray to uski madded ln. 2 ghanty guzr gye pr koi na guzra, 4 ghanty guzry pr phr b koi na guzra, intzar krty krty raat ho gyi, uski umeed ab dam torti ja rhi thi. Uska sabr ab tootnay wala tha. Raat ko jb barish kuch dair ky lye tham gyi to wo car sy nikli or car ki back pr ja kr baith gyi, thandi hwaa sy usky dil ko kuch chain mila. Or usay pta hi nai chala ky kab uski aankh lg gyi.

2-3 ghanty ky baad barish dubara shuru ho gyi barish ky pani ki thandi boondain jb usky chehray pr girnay lgien to wo aik dam sy jag gyi or uth kr idhr udhr dekha or kafi mayoos ho kr car ky andr baithnay lgi ky achanak pechay sy usay kisi chez ki roshni ati dikhai di jb wo pechay muri to usay kisi gari ki lightain nazr ayen.

kuch dair mein hi wo car itni nazdeek aa gyi ky usky engine ki aawaz wo saf torr pr sun skti thi, uski khushi ki koi intiha na thi. Andhere ki wja sy usay ye nazr nai aa raha tha ky wo gari kn c hy bs uski lights hi nazr aa rhi thien. Usny us gari ko ruknay ka ishara kiya, wo gari kafi tezi sy jaa rhi thi is lye tezi sy usky pas sy guzr gyi wo phr sy na umeed ho kr us gari ko dekhny lg gyi. Wo Black color ki aik car thi dekhnay mein kafi pyari or takatwar lg rhi thi or usky samny 2 ki bjaye 4 lights lgi hoi thien.

Itni dair intizar krny ky baad agr is trah moka hath sy nikl jye to kitna afsos or na umeedi hoti hy iska andaza ap ba-khubi lga sktay hain.

Jb wo na umeed ho kr wapis apni car ki traf muri to achanak us guzri hoi car ky engine ki awaz usay phir sy nazdek ati sunai di, jb wo pechay muri to usny dekha ky wo car wapis aa rhi thi, ye dekh kr uski jan mein jan ayi. Wo car usky pas aa kr ruki to wo usky pas gyi. Car ka left door ka glass open hoa to usny andr jhanka. Car mein sirf aik larka tha jo ky car drive ke raha tha, kafi handsome tha, black color ka dress pehna hoa tha usny.

Boy: G madam? Khairyt to hy?

Girl: Meri car ko kuch msla ho gya hy tyre puncture ho gya hy… to kya ap meri kuch madded kr sktay hain? Please inkar mat kijye ga main takreebn pechly 10 ghanty sy yahan kisi ky guzrnay ka intzar kr rhi hn.

Boy: thek hy ruko main dekhta hn kya msla hoa tmhari car ko… (Wo car ki pechli seat sy Umbrella utha kr car sy bahir aya, or uski car ky pas ja kr tourch sy uski car ky puncher tyre ka jaiza liya to dekha ky car ky tyre ky ilawa andr ki machinery ka bhi kafi nuksan hoa hy jahan tyre jurta hy) Sorry madam! Ye car ap apny paon pr chal kr to wapis na ja paye gi, iska tyre bhi zaya ho gya hy, tyre connecting drum b toot chukka hy or car ka tmam break fluid bhi leak ho kr gir gya hy…

Girl: to ab main kya krun gi, is car ky bgair to main kahin nai ja skti..

Boy: Waisy jana kaha hy tm ny???

Girl: Yahan sy takreebn 500 km dur jahan ye road khatm hota hy us sy 4 gaon pehly aik gaon mein jana hy. Socha tha sham honay tk pohnch jaun gi lekin barish ki wja sy road pr pani khara tha, khadda dikhai nai diya or car ka tyre us mein ja lga… kya ap mujhay kisi nazdeki abadi tk chor sktay hain, wahan ja kr main shyed kisi na kisi trah wapis apny ghar ya us gaon mein pohnch jaun…

Boy: jahan tm ny jana hy wahan main jaun ga lekin mera program rastay mein 2 jga ruknay ka hy… 2 din aik gaon mein or phr aik din aik or gaon mein… agar chalna hy to tmhari marzi… yahan rahi to thand sy or bhook sy marr jao gi or kisi nazdeki gaon mein chor b jaun tb bhi tmhain kyi din intizar krna pray ga…

Girl: Lekin main ap pr trust kysy krun??? Janti b nai apko…

Boy: (Apni car mein baith jata hy or car start krta hy accelator dbata hy jysy ky chalnay lga ho) na kro trust, yahin raho or dhundh lo koi trustable admi, ya to dhundh lo gi ya phr upr pohnch jao gi…main to chala….

Girl: Sorry sorry ap to gusa hi kr gye… main jaun gi apky sath hi, meri abhi marnay ki umar nai hy…

Boy: theak hy ly ao apna saman apni car sy nikal kr or car ko achi trah sy lock kr do…

Girl: theak hy main abhi ayi…

            Kuch hi lamhat bad wo car sy apna saman nikal kr ly ayi or us larky ki car ki back seat pr rakh diya or apni car ko lock kr ky uski car mein baith gyi…

            Pehli chez jo dekh kr hairan hoi wo us car ka interior tha, car ky andr aik computer tha bri c Screen wala jo car ka har function control kr raha tha. Jisay dekh kr wo car ki tariff kiye bgair reh nai ski…

Girl: Hmmm… Nice car….

Boy: Thanks… its my own designed handmade car(gari chlna shuru ho jati hy)… by the way I am Akash…

Girl: Nice name… I am Alina….

Akash: Acha to Alina tum yahan aisy khatrnak ilakay mein akeli safr kr rhi ho koi khaas wja??? Darr nai lagta tmhain???

Alina: Ye hi to meri job hy phr darna kis bat sy???

Akash: kia matlb? Main smjha nahi…

Alina: main aik bio researcher hun or aksar apni job ky silslay mein main aisy ilakon mein akeli jati rehti hun to mujhay ab darr nai lgta…

Akash: Ohhh acha ye to boht achi baat hy…

Alina: aik baat kahun mind to nai kro gy?

Akash: bolo kia baat hy?

Alina: Mujhay boht bhook lgi hy kuch khany ko milay ga?

Akash: Hahaha is mein itna darny wali kn c baat thi? Waisy bhook kiun lgi hy khana nai khaya kya?

Alina: Khana jo sath ly kr ayi thi wo khatm ho gya kiun ky main to apny plan ky mutabik ja rhi thi pr gari kharab honay ki wja sy sb garbar ho gyi…

Akash: dashboard open kro us mein biscuit pray hon gy wo kha lo filhal ye hi milain gy baki sb khnay ki chezain car ki diggi mein pri hain… subah honay wali hy subah kahin achi c jga rukk kr nashta krain gy tb tk barish b rukk jye gi….

Alina: Thanks mera ini sy hi guzara ho jye ga… waisy ap kahan ja rhay ho?

Akash: kahin nai bs ghomnay phirnay….

Alina: aisi khatrnak jga pr ghoomnay phirnay?

Akash: kuch chezain aisi hoti hain jin mein koi faida nai dekha jata bs unhain krna lazmi hota hy…

Alina: hmmm….!!! Achi soch hy….

            Isi trah kafi dair baton baton mein guzr gyi, kafi rasta bhi katt chukka tha, batain krtay krtay Alina ko neend aa gyi or usay pta hi nai chala ky kb uski aankh lg gyi…

            Jb wo jagi to usny dekha ky wo akeli car mein so rhi thi, car road sy kuch dur aik jheel ky pas khari thi. Barish b rukk chuki thi pr abhi dobara barish anay ka imkaan bhi tha. Behrhaal aasman pr badal chaye hoe thay or boht thandi or saaz bhari subah ki hwaa chal rhi thi. Us nazary ko dekh kr maloom ho raha tha jysy wo jannat mein pohnch gyi ho. Kafi dair idhr udhr ky nazron ko dekhnay ky bad achanak usay khyal aya ky Akash kahan hy? Car ky pas to wo usay nazr na aya to wo jheel ki traf chal pri… jb jheel ky kinary pohnchi to usay aik jga dhoan uthata dikhai diya, jb usny goar kiya to jheel ky kinary Akash aag jlaa kr baitha kuch pkaa raha tha, jb Alina pass pohnchi to dekha ky wo machli pkaa raha tha…

Alina: Waooo! Fish? Sath ly kr aye thay ya yahan sy pakri?

Akash: jb jheel pas hy to sath kiun ly kr ata?

Alina: ap to phr boht tezz ho, machli pkrna koi aasan kam nai…

Akash: han wo to hy pr aisy shok palo to phr ye sb b sikhna parta hy…by the way baitho tm b khao warna thandi ho jye gi…

Alina: (Aag ky pas baith kr machli khany lgti hy) Hmm… boht tasty hy…

Akash: I think bhook ki wja sy tmhain tasty lgi hogi…

Alina: nai aysi bat nai hy such mein boht tasty hy…

Akash: Dopher ka khana tm ny bnana hy dekhty hain tm larki ho kr kitna acha khana bnati ho?

Alina: han zrur pr bnana kya hy yahan kon sa hmary pas kuch pkany ka pora intizaam hy?

Akash: Chance ki baat hy but main is fast food sy boht tang aa chukka hun ab khud kuch pka kr khany ka mann krta hy, abhi bhi khana to Car mein mojud tha pr main ny phir bhi machli pakrnay pr mehnt ki….

Alina: Acha theak hy agar moka mila to zrur bnaun gi… abhi agr permission ho to main thodi dur tk ghoom aon?

Akash: han thek hy tum ghoom ao mujhay boht neend aayi hy main pori raat nai soya is liye ab main kuch dair sonay ja raha hun, jb ghoom phir lo to car ky pas aa jana main wahin milun ga…

            Alina abhi wahan baithi kha hi rahi thi ky wo wahan sy uth kr car ki traf chal para or Alina usay dekh rhi thi ky wo car mein ja kr lait gya or so gya, Alina ny bhi khana khatm kiya or ghoomnay phirnay ky lye jheel ky sath sath chal pri. Us jaisi khubsurat jga wo apni zindgi mein pehli bar dekh rhi thi, is rasty sy wo pehly bhi guzr chuki thi pr wo jheel road sy dikhai nai dyti shyed isi liye wo kbhi wahan nai ayi thi, ab wahan ghoomtay hoe usay is baat ka bhi afsos ho raha tha ky pehly wo kbhi yahan kiun nai ayi, kreeb 2 ghantay bad jb wo ghoom phir kr car ky pas pohnchi to usay car ky tyre ky nechay jo chitan thi us pr oil bikhra hoa maloom hoa. Jb usny baith kr goar sy dekha to pta chala ky car ka brake fluid wala pipe kisi pathar wgaira sy katt gya tha, or us mein sy car ka takreebn tmam break fluid zaya ho gya tha. Alina ny Akash ko jgana munasib na smjha kiun ky wo pori raat soya nai tha is liye Alina ny aik khali glass us tpakty hoe brake fluid ky nechay rakh diya or kafi preshan or udas ho kr car sy kuch dur aik bray sy pathar pr baith kr nadi ki traf dekhnay lg gyi or sochon mein gum ho gyi. Kuch dair bad usay mehsos hoa jysy usky pas koi khara hy jb usny pechay murr kr dekha to Akash us sy kuch dur khara nadi ki traf dekh raha tha,

Alina: Uth gye ap?

Akash: han or tum itni udas kiun baithi ho?

Alina: ja kr zra car ky nechay dekho phr ap bhi isi trah ki udas shakl bnaa kr mere pas baithay nazr ao gy….

Akash: kiun kya hoa car ko?

Alina: Brake fluid wala pipe leak hy sara fluid beh gya thoda sa bacha hoga wo main ny nechay glass rakh diya tha us mein bhar gya hoga…

Akash: Ohhhh … ao dekhty hain kya ho skta hy ab…

            Jb dono car ky pas gye to dekha ky glass mein thoda sa fluid bhra tha kiun ky zyada fluid pehly hi girr gya tha. Akash ny pehly to pipe ko repair kiya or phir jo brake fluid bacha tha wo us mein dala, or brakes chek kien pr bat nai bni.

Alina: kya hoa kuch bat bni?

Akash: nai fluid boht km hy car nai rukay gi is say or aisy raston pr jahan har kadm pr mott munh kholay khari hy wahan to bilkul bhi aysa risk nai liya ja skta, hmain kahin sy brake fluid arrange krna pray ga….

Alina: ab yahan paharon mein mujhay spare parts ki dukan kahan pr milay gi?

Akash: khud ko bio researcher kehti ho or ye mujh sy pouch rhi ho?

Alina: kia matlb? Main smjhi nai…

Akash: agr dimagh istimal kro to tmhain yahan bhi brake fluide mil skta hy. Tmhain bs paharon pr charnay wali koi jungli bakri dhundni hy, uska doodh car k brake fluide ky torr pr istimal ho skta hy…

Alina: Lekin agr main bhatak gyi to?

Akash: tmhary pas mobile hy?

Alina: han pr yahan to network coverage nai hy, kysy contact krun gi?

Akash: mobile idhr do btata hun (Alina usay mobile dy dyti hy, Akash car mein ja kr car ka computer on krta hy)

Alina: kya kr0 gy aisa jo bgair network ky hi contact ho jye ga?

Akash: Shyed tmhain pta hoga ky pori duniya ko 3 satellites coverage dyti hain, ye computer un satellites ko aik signal bhejta hy jis sy ye car track hoti hy, is computer ka code GPS jo ky aj kal ky modern mobiles mein mojud hota hy us pr enter krty hi car ki location pta chal jati hy, main ny tmhary mobile pr code save kr diya hy ab automatically tmhain car ki location milti rhay gi agr tm kahin b bhatak jao to bs kisi bhi trah is car tk pohnch jana. Smjhi kuch?

Alina: Waooo! Master mind idea…

Akash: thanks, to chlo phr talash shuru krain, or han agr tmhary mobile pr car ki location btany wala dott green sy red ho jye to foran wapis pohnch jana….

Alina: okay as you wish… best of luck…

            Alina jheel ky baien traf or Akash jheel ky daien traf nikl jatay hain kisi abadi ya phari bakri ki talash mein, mosam ab pehly sy kuch behtr tha barish ky imkanat kafi km thay…

            Alina jis chez ki tlash mein thi us pr uska dehan km or idhr udhr ky podon or janwron pr zyada tha kiun ky ye uski fitrat or job dono ka hissa thien. Dusri traf Akash kafi dilchaspi sy kisi nazdeki abadi ya kisi pahari bakri ki tlaash kr raha tha. Usky lye ye aik ghoomnay ka behtreen moka tha lekin usay aisa mehsoos ho raha tha jysy kisi chez ki kmi hy, pr wo ye smjh nai pa raha tha ky akhir usky sath kya msla hy, wo kafi dur nikl gya or kismet sy usay aik boht gehri ghati ky par aik gaon nazr aya pr wahan jany ky lye usay ghati mein pahar sy nechay utrr kr dusri traf pahar ky up us gaon tk pohnchna tha, lekin tb tk mosam kafi khrab ho gya tha or boht jald toofan ky aasar nazar anay lgay to usny wapis lotnay ka faisla kiya, or socha ky tofan ky bad wo Alina ko sath ly kr ghati ko parr kr ky us gaon mein jaye ga wahan sy yakeenan usay brake fluid ky torr pr istimal ky kabil koi cheez mil hi jye gi…

            Wo jaldi sy wapis car ky pas pohncha or car sy Alina ko signal bheja, kuch dair bad wo bhi wapis aa gyi, usky hath mein bray bray patton mein lipti hoi koi cheez thi…

Akash: Sunao kysi guzri? Or ye kya ly kr ayi ho?

Alina: boht dhondha pr koi gaon ya pahari bakri to nai mili pr aik apple ka drakht mil gya tha to chun chun kr pkkay hoe kuch Apple torr kr lyi hun…

Akash: Wah! Mujhay boht psand hain Apple….

Alina: Lo khao phr jee bhar kr, or apko kuch mila?

Akash: han, bat bn gyi. Mujhay aik gaon mila hy pr wo ghati ky paar hy hmain ghati ko paar kr ky wahan jana pray ga, agr sham sy pehly tufan guzr gya to aj hi jyen gy warna hmain aj ki raat yahin nadi ky kinary guzarni pray gi…

Alina: koi baat nai mujhay to ye jga boht achi lgi main to yahan pori zindgi guzarny ky lye b tyar hun…

Akash: Hahaha…!!! That’s what I like…

Alina: I am sorry…

Akash: wo kiun?

Alina: wo dopher ka khana jo nai bna kr dy ski…

Akash: koi bat nai us mein kn sa tumhari galti hy tufan pr kis ka bass chlta hy abi hm kuch or kha lyty hain sham ko bna lyna tm…

Alina: theak hy…

            Itni baat chet ky doran barish or tez hwa chlna shuru ho gyi or mosam kafi khrab ho gya, to dono ja kr car mein baith gye, wahan unhon ny kuch khaya piya or tufan guzarnay ky bad kya krna hy wo sochnay lgay.

            Tufan boht zoron ka tha or barish bhi kuch km nahi thi… bahir darakht hwa ki wja sy jhukay hoe thay, baaz unchay unchay darakhton ki bri bri tehniyan toot kr gir rahi thien, kafi khofnak manzir tha. Lekin car chun’ky khuli maidan numa jga pr khari thi is liye wahan koi khatra nai tha…

            Dopher ky guzrnay ky sath sath tufan ka zor bhi km honay lga pr tufan ko ruktay ruktay sham ho gyi… Alina tufan ky ruknay ka intizar krty krty wahin so gyi, jb tufan ruka to andhera ghirna shuru ho gya tha, Akash car sy nikal kr nadi ky pas ja kr khara ho gya, hwa abhi bhi kafi tez thi. Barish ki wja sy thand bhi boht barh gyi thi. Akash abhi wahan khara kuch soch raha tha ky Alina aa gyi…

Alina: Kya soch rhay ho?

Akash: Soch raha tha ky ab subah hi hmain us gaon janay ka moka milay ga, is liye abhi kuch khaa pee liya jaye…

Alina: Han, kiun nai, car mein kuch hy pkany ko?

Akash: itni thand mein machli ky ilawa kon c chez achi rhay gi bhala? Chlo machli pkrnay chlain..

Alina: hehehe…!!! Main or machli pakrun gi?

Akash: kiun tum darti ho kya machli sy?

Alina: Nai darti to nai pr kbhi try nai ki…

Akash: to ao aj try krty hain…

            Akash or Alina dono machli pakrany chlay gye, takreebn aik ghantay bad wapis aye to Alina pori bheegi hoi thi or Akash ky hath mein 2 kafi bri bri machliyan thien or wo Alina pr hanss raha tha…

Akash: Machli to bahir khray ho kr pkri jati hy tum to machli pakrtay pakrtay khud hi machli bn gyi…hahahah….

Alina: mera to paon phisal gya tha to pani mein ja giri, pehli bar to machli pakrnay gyi thi, hanss lo hanss lo mera time bhi aye ga…

Akash: wo to jab aye ga tb dekhi jaye gi abhi to tmhari shakl dekhnay wali hy… abhi jao car mein towel pra hy khud ko sukha lo or phr aa kr khana bnao…

Alina: Khana kysy bnaun gi, itni barish ky bad khusk lakri kahan sy milay gi?

Akash: wo main ny kal tufan anay sy pehly hi jmma kr ky aik jga chupa di thien..

Alina: hmmm… impressive…

            Alina car ki traf chali jati hy, wapis aa kr phr dono machli pkaty hain or phr wahin aag ky pas baith kr aik dusray sy unky mutalik pouchnay lg gye…..

Akash: to Alina tm ny btaya nai tum kis kaam sy ja rhi ho wahan?

Alina: wo main abhi nai btaun gi?

Akash: to phir kab?

Alina: Jb wahan pohnch gyi to btaun gi…

Akash: chlo tmhari marzi…

Alina: tum married ho kya?

Akash: Married hota to yahan ghoom raha hota ya ghar mein bivi ki batain snn raha hota?

Alina: hehehe… han ye bhi sochnay ki baat hy…

Akash: or tm married ho?

Alina: nai, filhal to single hi hun but talash mein hun kisi achay insan ki…

Akash: Arrange marriage nai kro gi kya?

Alina: meri family mein aik bray bhai ky ilawa hy hi kon? Papa 4 saal pehlay aik accident mein chal bsay… kuch arsa bad mama bhi unki judai ko bardash na kr skien or hmain chor kr unsy ja milien… Tb sy sirf mera bra bhai hi meri dekh bhaal krta hy, studies complete hotay hi aik achi job mil gyi, is liye bhai pr boojh bnnay ki bjaye main apny tmam ikhrajat khud poray krti hun. Bhai ny hi mujhy kha ky tum apni psand ka koi acha larka dhundh lo to tmahri shadi krwa dun ga us sy…

Akash: han ye to boht achi baat hy jo tum apny bhai pr bojh bnnay ki bjaye apnay paon pr khari ho…

Alina: or ap ghoomnay phirnay ky ilawa kya kaam krty ho?

Akash: main aik international company mein job krta hun… har saal 3 months ky lye main bilkul free hota hun office sy to main chuttiyan ly kr ghoomnay ky lye trip pr nikal jata hun, ye car bhi specially main ny khud apni requirement ky mutabik design kr ky bnwai hy, ye in 3 months mein meri sab sy bhtreen sathi hoti hy…

Alina: har bar akely hi trip pr jaty ho ya kisi ky sath?

Akash: Waisy har bar to akela hi jata hun kiun ky akelay ghumnay mein jo azadi or skoon hy wo kisi ky sath honay mein nai… lekin is baar trip mein tum bhi shamil ho gyi…

Alina: to phr kya meri wja sy trip khrab hoa apka?

Akash: nai bilkul bhi nai, tumhari aik baat mujhay boht achi lgi jis ki wja sy mujhay tmhain sath rekhnay mein koi problem nai hoi…

Alina: wo kya?

Akash: tum baki larkion jysi nai ho, jysy baki larkiyan nakhray krti hain or unky samnay bhi koi chez khrab ho rhi ho to wo akar kr baithi rehti hain ky ye meri chez nai main kiun isay smbhalun pr tum aysi nai, tum ny car ka fluid leak hotay dekha to km sy km usay bchany ki koshish to ki, or takreebn har kaam mein sath bhi diya zidd nai ki. Tm khud pr trust kr ky chalti ho shyed isi wja sy tum kisi ki problem bnnay ki bjaye uski problem ka solution bnnay ki koshish krti ho… honestly kahun to tmhari wjaa sy trip mein ye car ka masla honay ky bavjood bhi boht mzaa aa raha hy… jb tmhain lift di thi tb tk main sirf ye hi soch raha tha ky trip ka bera gark ho jye ga ab to…

Alina: Agr maska nai lga rhay to phr thanks….waisy main jis gaon tk ja rhi hun us sy agay jany ka bhi irada hy?

Akash: han us sy agay bhi aik gaon hy jhan ye road end hota hy wahan pr…

Alina: Kitna Arsa raho gy wahan?

Akash: next month ki 16 ko wahan sy wapis aanay ka irada hy….

Alina: yani abhi to 20 din baki hain trip ky…

Akash: chlo so jao ab subah boht dur jana hy….

            Agli subah nashta krny ky baad dono janay ky liye tyar thay, Akash ny car sy aik bag nikal kr sath ly liya or kaha ky is mein bs kuch zrurt ki chezain hain jo rasty mein kaam ayen gi. Or wo us ghati ki traf nikal pray, jb ghati ky kinary pohnchay to aik nazr gehrai ko dekh kr Akash ny nechay utrna shuru kiya….

Alina: ruko, wahan matt jao..

Akash: wo kiun?

Alina: ghati pr zra goar kro ye kudrti torr pr aysi hy jahan takreebn roz barish hoti hy yani ye aik chota rain forest hy is lye yahan zeherilay janwaron or sanpon ki bharmar hogi, aik ar gye to wapis loat kr ana mushkil hy…

Akash: tumhain ye sab kysy pta?

Alina: bhool gye? main bio researcher hun… lekin ab ye socho ky ghati paar kysy krain?

Akash: aao mere sath btata hun ( Akash Alina ko aik unchi or ghati ki traf ubhri hoi chitan pr ly gya) hath do…

Alina ny jysy hi apna haath agay brhaya to Akash ny uska hath pkra ornechay ghati mein chalang lga di, Alina bhi usky sath hi ja pri, wo boht tezi sy nechay gir rhay thay, Alina ki ankhain band thien or wo chila rhi thi ky achanak…..

             Kuch dair bad usay mehsos hoa ky wo abhi tk zinda hy, tb usny ankhain kholien to dekha ky usky upr aik bra sa Paraglider hy or wo Akash ky hath sy jhool rhi hy.

Alina: (Chilaty hoe) Pagal ho kya tum? Ye kya kiya tum ny? Khud to mro gy sath mein mujhay bhi marwao gy…

Akash: Khamosh, warna hath chor dun ga… waisy bhi overtime me jee rhi ho wahan apni car ky pas hoti to kb ki marr gyi hoti…

Alina:Na na Sorry hath na chorna please…

Akash: To phr khamosh raho jb tk hm dusri traf nai pohnch jaty..

Alina: theak hy pr tum ny to kha tha ky is bag mein rasty ki zrurt ki chezain hain pr tumhain kysy pta ky hm nechay sy nai ja skty jo tum ye paraglider ly kr aye?

Akash: tum kya mujhay bevqof smjhti ho? Main kal jb yahan aya tha tb hi smjh gya tha ky nechay kya halat hon gy pr tmhari akal test krny ky lye main ny thoda drama kiya…

Alina: mujhay boht darr lg raha hy samny to sirf chitanain or ubhary hoe darakht hain hm ny kahan utrna hy?

Akash: un ubhray hoe darakhton pr…ab tyar raho wahan utrty hi khud ko smbhalna kahin nechay na ja girna…

 

            Itni dair mein wo ja kr samny aik chitan sy takra kr aik ubhray hoe darakht pr ja giray, dono ny us darakht ko achi trah tham liya or us pr baith gye, jysy hi akash ny paraglider smait kr bag mein dala to dono ny pahari pr charhna shuru kiya, kuch dair mein wo choti pr pohnch gye, jahan pehly hi gaon ky kuch log paraglider dekh kr jma thay, wo un dono ko gaon ly gye wahan Akash ny unhain apni sari preshani btai, gaon walon ny unki khoob khatir  twaza ki, kiun ky wahan boht km nye log atay thay. Phir unhain car ky lye brake fluid bhi diya.

            Gaon sy wapis niklnay sy pehlay Akash ny paraglider thek sy pack kiya or …….booooom, dubara pahari sy chalang lga di lekin is bar Alina zyada nahi ghabrai or wo kuch hi dair mein wapis dusri tarf pohnch gye. Wapis pohnchtay hi Alina jo pehly gaon walon ki wja sy khamosh rhi ab pori trah bharak gyi or us ny apna gusa nikalna shuru kr diya.

Alina: Agar tum ny ye sb hi krna tha to mujhay sath khatray mein dalnay ki kya zrurt thi? Akelay chlay jaty na…

Akash: acha to tmhary kehnay ka matlb ye hy ky musibat mein hum dono phnsay hain pr brake fluid lyny main akela hi jata or tum yahan mzay sy ghoomti or kudrat ky khubsurat nzary dekhti… Ab tumhain pta to chal gya hoga ky ye kitna mushkil kam tha ab tum khamosh raho gi, agr mein akela jata to tmhain lagta ky aasan sa kaam hy or tumhain wo kadr na hoti jo ab hogi…

            Ye sun kr Alina kuch narm parr gyi or dono ny paraglider smaita or car ki traf chal diye…

            Apni car ky pas pohnch kr Akash ny car mein brake fluid bhra…Alina ny sb saman smaita or dono ko wahan sy nikltay nikltay shaam ho gyi thi.

            Raat ghirnay ky saath saath car apni tezi pr aa gyi…. Gehray andhery mein tootay hoe road pr apni tezz roshni bikhairtay hoe aysy ja rhi thi jysy andheri raat mein aasman pr koi sitara tezi sy agay barhh raha ho….

Alina to din barh ki pahari charhai ki wja boht thaki hoi thi to wo soo gyi… Raat ky pehly pehr mein to mosam pus skoon tha lekin adhi raat ky baad mosam bigrnay lgaa, kuch hi dair mein sitaron sy bhra aasman kalay gehray Nimbus badlon sy bharr gya, chamakdar sitaron ki jga aasmani karakti bijli ny ly li, kuch hi dair bad tezz tufani hwa chlnay lg gyi, sarak ky kinary mojud darakht zameen pr jhuknay lg gye, har tarf aik khofnak manzer tha lekin car ky andar soi hoi Alina ko abhi tk is baat ka zra bhi andaza nai tha ky boht jald bahir kya halat honay walay hain……

Akash bhi ab bahir ki surat-e-haal ki wja sy kafi preshan lag raha tha, sarak dono taraf sy unchay unchay darakhton sy ghiri hoi thi jiski wja sy khatra boht zyada tha kiun ky itni tez hwa ki wja sy darakhton ky tnay toot kr girna shuru ho gye thay. Car toofan ki raftar ka mukabla krny ki pori koshish kr rhi thi, jahan sy car guzr kr jati pechay toofan tbahi machata hoa dorta jata, Agr Car toofani hwa ki zadd mein aa jati to phr wahin tootay hoe darakhton mein phanss kr reh jati. Is aik afat ky upr dusri agaat ny ser uthana shuru kr diya, or wo afat thi, bray bray oolay (something Like Ice balls). Jb oolay car sy takrana shuru hoe to unki aawaz sy Alina bhi jag gyi or bahir ky halat pr nazr pri to kuch lamhaat ky lye usky hosh hi urr gye…

Alina: Ufff…. Ab ye kya nyi musibat?

Akash: hahaha… Kya kr sktay hain kon sa musibton pr apna bas chalta hy, abhi to shyed tum ny car ky pechay ka nazara nai dekh…

Alina: ( Seat ky pechay ser ghuma kr car ki pechlay sheshay ki janib dekhty hoe) Ohhh Khudaya ab ye kya blaa hy, ab to agr zraa bhi raftar km hoi to hm phanss kr keh jayen gy…

Akash: Han bilkul,

Alina: Ab smjhi ky tumhain is Car pr itna bhrosa kiun hy, main to aksar yahan garmion mein is ilakay mein ati thi jb yahan sb pur skoon hota hy, main to smjhi ky ab bhi aysa hi hoga lekin ye to kayamat ka manzar bna hoa hy…  

Itni dair mein toofani hwa ki raftar or tez ho gyi or sath hi olay or tez barsaat bi shuru thi, car sb toofsni hwaon ki beech mein ghir chuki thi lekin phir bhi wo mukabla krtay hoe agay barh rhi thi, idhr udhar darakht toot toot kr bikhar rhay thay, Thand bhi boht barh chuki thi jo car pr buri trah asar dal kr uski kargardgi ko boht kam kr rhi thi….

            Itnay mein samnay kuch dur aik roshni dikhai di, aysa lag raha tha jaisy koi abadi ho, ab Akash ko umeed thi ky agr wo abadi hi hoi to wahan tk pohnch kr khud ko mehfoz kiya ja skta hy ye soch kr Akash ny car ko uski pori raftar pr lana shuru kiya, Car ka computer mukhtif khatron ky alarm dyny lg gya, jb car bilkul akri morr pr thi to aik bra sa darakht hwa ky mukablay mein harr man kr gir rha tha, ab ye aisi ghari thi ky jis mein kiya hoa faisla jan bcha bhi skta tha or jan gnwa bhi skta tha…

            Akash ny us girtay darakht ky nechay sy guzrnay ka faisla kr liya or Car ka accelator full dba diya, car us darakht sy kuch cm ky faslay sy bach kr guzr gyi or us gaon mein dakhil hoi, darakht ky nechay sy guzrtay hi Car ky computer ny aik akhri warning di or har chez band kr di kiun ky ab aag lagnay ka khadsha paida ho gya tha, us gaon mein dakhil hotay hi car ghisarr ky rukk gyi…

Akash: Ohhhh khudaya…(Alina ki traf dekty hoe) Ab hath htta lo ankhon sy…

Alina: (Ankhon sy hath htaty hoe) kya main zinda hun?

Akash: Kitna shok hy tmhain marnay ka…

Alina: Tumhary sath rhi to boht jald marr jaun gi, kbhi 2000 feet ki unchai sy giraty ho kbhi girtay hoe darakht ky nechay ly jaty ho, abhi pta nai kya kya dekhna baki hy?

Akash: hahahaha… kismat ki baat hy, pehli bar aik hi safr mein itnay ultay kaam hoe hain…

            Itni dair mein car ky engin ka temperature thoda kam ho gya to car start ho gyi, bahir oolay gir rhay thay is liye car sy nikl kr abadi tk jana mumkin na tha, jb car start ho gyi to Akash aik chotay sy hotel mein ly gya, kiun ky aisi jga koi 5 star hotel to milnay wala nai tha.

            Hotel pohnch kr dono ny rehnay ka intzam kiya or khany ky lye resturent mein gye lekin aisy mosam mein raat ky pechlay pehr mein akhir kya mil skta tha? Resturent mein sirf aik Bawarchi (cook) soya hoa tha. Un ky wahan anay ki aahat sy jaag gya or usky pouchnay pr Akash ny usay wahan tk pohnchnay ki tafseel btai to usny unhain boht achi trah khushamdeed kaha or khas tor pr khana bna kr unhain khilaya…

            Khana kha kr dono sonay ky lye apny apny kamron mein chlay gye, aglay din dopher ko Alina ki aankh khuli, kamray ki khirki sy suraj ki kirnain andr aa rhi thien, jb wo nhaa kr nya dress pehn kr Akash ko bulany gyi to usky room pr lock tha. Wo usay dhundnay nikli, gaon ka nazara kafi pyara or sath sath kuch hadd tk khofnak bhi tha…

            Pyara is liye kiun ky wo aik boht pyari jgaa thi, boht khubsurat or dil kash lekin khofnak is liye kiun ky raat ko jo tufaan aya tha usny kafi tbahi mchai hoi thi…

Behr haal wo Akash ko dhundtay dhundtay pora gaon paar kr gyi, aik bar usky dimagh mein ye khyal bhi aya ky kahin wo agay apni manzil ki traf na nikal gya ho, lekin phir bhi wo usay dhundti rahi, akhir gaon ky akhir pr aik jga jahan pahari chashmon (Springs) ka pani pathron pr sy behh kr guzr raha tha, wahan pohnchi to dekha ky Akash wahan pani ky kinary aik bray sy pathar pr baitha kuch soch raha tha… Alina usky pas gyi,,,

Alina: ap yahan baithay ho main ny pora gaon chaan mara…. Khairyt to hy???

Akash: han sb thek hy, bs youn hi kuch soch raha tha…

Alina: kya soch rhay thay mujhay bhi to ptaa chlay…

Akash: nai choro shyed tmhain wo baat bta na skun…

Alina: aysi kya baat hy btaa bhi do…

Akash: nai choro bs…

Alina: acha chlo nai btana chahty to koi baat nai, car kahan gyi?

Akash: aik mechanic mila tha subah usky pas hy thodi repairing ki zrurt thi…tumsy aik baat kehni thi…

Alina: Han bolo…

Akash: ab agr tum yahan sy agay mere sath nai jana chahti to tumhari marzi hy jysy tumhain behtr lgay waisy kr lo, han aik baat kahun ga ky tumhari wja sy yahan tk ka trip boht acha raha lekin main tumhain bound nai krna chahta jo tumhain behtr lgay waisy hi kro….main kal subah yahan sy niklun ga….

Alina: thek hy main decide ke ky bta dun gi… agr main ny na jana hoa to main nai btaun gi ap chlay jana….

Akash: Thek hy… Chlo kuch khaty hain mujhay to boht bhook lgi hy…

            Resturent mein ja kr dono ny khana khaya or phr Akash ny alina ko btaya ky ab wo ab idhr udhr zra ghoomnay ky lye jaye ga to Alina ny khaa ky main yahan akeli kya krun gi mujhay bhi ly chlo, or wo bhi sath ghoomnay nikl pri…

            Shaam tk dono ny pora gaon ghooma, or raat ko Alina usay Good Noght bol kr apny kamray mein chali gyi… Akash ny socha ky wo bta kr nai gyi ky usny jana hy ya nai to iska matlab ye hoga ky wo nai jye gi…

            Agli subah Akash niklnay ky lye tyar ho kr apny kamray sy nikla, usny socha ky janay sy pehly Alina sy mil liya jaye, andr hi andr usay Alina ko chor kr jana kafi ajeeb sa lagg raha tha. Alina ky kamray pr pohncha to dekha ky wahan tala lga hoa tha. Wo counter pr gya or maloom kiya ky Alina kahan hy? To unhon ny btaya ky wo thodi dair pehlay hi apna saman ly kr ja chuki hain…

            Akash ko kafi bura lg raha tha ky itna sath dyny ky baad ab wo milay bgair hi chali gyi, wo hotel sy nikl kr kuch dur khari apni car ky pas gya, Jb car mein baith kr car reverse ki to samny Alina khari thi, wo pas ayi or hanstay hoe poucha ky “Lift milay gi?” Akash ny hanstay hoe car ka door unlock kr diya or phir dono agay ky safar pr rwana ho gye, aj mosam bhi bohat haseen tha, aasman pr badlon ky tukray urtay phir rhay thay.

Alina: main kafi dair sy intzar kr rhi thi apka…

Akash: Kiun? Tum to yahan ruknay wali thi na?

Alina: Han socha to ye hi tha, pr kal tmam raat ye hi sochnay mein guzr gyi, akhir subah finally main ny apky sath hi janay ka decision liya, ptaa nai…. Mujhay acha nai lga akely yahan ruknay ka soch kr… aysa lg raha tha jysy kuch cheez apky pas reh gyi ho…

Akash:Tumhari wja sy meri bhi akely safr krny ki adat bigar gyi, mujhay bhi acha nai lgaa tumhain yahan chor kr jaty hoe…

Alina: hehehehe… koi baat nai ab to itna safr hi baki nai raha…

            Ab takreebn 10 ghanty ka safr baki tha jo kafi khatarnak raston sy ho kr guzrta tha, aik traf unchay pahar or dusri traf gehri khaiyan, jysy jysy unchai barh rahi thi, hwa mein Oxygen ki kmmi ho rhi thi, jis ka asar Car or Insano dono par parta hoa saf torr pe mehsos kiya ja skta tha, Oxygen ki wja sy ser bhari bhari mehsoos ho raha tha, Dopher ko wo aik chotay sy gaon tak pohnchay jo rastay mein tha, wahan inhon ny khana khany or kuch dair sustanay ka socha, wo aik chotay sy dhabay ( Gaon ka chota sa hotel) pr ja baithay, wahan sy Nechay gehri khaiyon ka manzr saff nazr aa raha tha, kafi khofnak or pyara manzr tha.

Alina: Abhi kitna safr baki hy?

Akash: Ab to nazdek hi hy tumhara gaon, bs 3-4 ghantay ka safr baki hy…Aik bat kahun?

Alina: han zrur…

Akash: Ab to bta do tum kis kaam sy jaa rhi ho wahan?

Alina: theek hy ab bta hi dyti hun, asal mein suchi baat ye hy ky jahan hum ja rhay hain wo mera gaon nai hy, main aik larkay ko boht pasand krti hun or bhai jo ky kuch arsa pehly dusri country mein job ky lye chlay gye thay unhain us larkay ky mutalik btany sy pehlay main usay mazeed achi trah jannay ky lye wahan us sy milnay ja rhi hun or sath mein meri job ka aik project hy jis ky lye mujhay kafi podon or janwron ka data chaiye, wo bhi mujhay yahan dhundnay pr mil hi jye ga. Or mujhay pori umeed hy ky mere dono kaam yahan poray ho jyen gy or meri aik acha jeewan sathi or Janwron or podon ky DNA dhundnay ki tlaash khatm ho jye gi…

Akash: Acha to ye baat hy, chlo jysy bhi tumhain behtr lgay, meri dua hmesha tmhary haq mein hogi,,,

            Akash ye baat snn kr kafi afsurda ho gya lekin wo khud bhi iski wja nai smjh skaa bs usay andr hi andr aisy mehsoos ho raha tha ky kuch garbar hy…

            Behrhaal khana khany ky baad wo wahan sy chal pray, rasta khrab honay ki wja sy unhain us gaon mein pohnchtay pohnctay raat ho gyi, Alina chunky kisi ko bgair btaye wahan ayi thi is liye usay hotel mein thehrna tha, usny zid ki ky aj ki raat wo bhi rukk jye subah agay chla jye, rasta kafi khatrnaak hy raat ky wakt jana theek nai…

            Alina ki zid sy haar kr wo bhi raat wahan ruknay ky lye maan gya, Car park krny ky bad dono ny aik hotel mein apny apny kamray mein saman rakha or khany ky lye resturent mein aa gye… khany ky doran kafi baat chet hoi…

Alina: Acha hoa aap ruk gye apky sath khana khany ka aik or moka mil gya…

Akash: snn kr acha lga ky tum mujhay itni izzt dyti ho…

Alina: main ny zindgi mein pehli bar, zindgi bachany ky lye bgair parkhay kisi pr bhrosa kiya tha, or such kahun to main itni ghabrayi or dari hoi thi ky pta nahi aap ksy insan ho gy…

 Akash: to phir tum ny mujhay kysa insan paya?

Alina: Such kehti hun aj tak kisi trip mein itna mzaa nai aya jitna is “ A journey on broken road” mein aya, apsy boht kuch seekhnay ko mila, boht saath diya aap ny, apky janay ky baad apko boht miss krun gi…

Akash: tum bhi boht achi ho, pehly bhi btaya tha tumhain, or such kahun to agli baar jb bhi safr krun ga to sb sy pehly tum yad ao gi, ye meri zindgi ky sb sy bahtreen safron mein sy aik safr tha…

Alina: Subah janay sy pehlay mujhay apna contact num lazmi dy kr jayye ga, shyed kbhi zindgi dobara moka dy akathay safr krny ka….

Akash:Ab tum mere sath kahan safr kro gi ab to tum ny apna life partner dhoondh liya hy…

Alina: heheheh han ye to hy lekin phr bhi apko nai bhool skti kiun ky apny meri zindgi bachai, ab agr khuda na kray dobara kbhi kisi aisi musibat mein phansi to apsy itni khowledge mil gyi hy ky main zinda bachi reh skti hun…

            Isi trah raat dair gye tak dono batain krty rhay, or dono apny apnay kamray mein chlay gye…

            Agli subah Alina abhi soi hoi thi, suraj ki kirnain kamray ki khirki sy andr dakhiil ho rhi thien, khirki mein prinday chehcha rhay thay, or boht pyara manzr tha, ky itnay mein darwazy pr dastak hoi…

            Alina jag gyi usny darwaza khola to Akash tha usny kha ky main late ho raha hun tum jaldi tyar ho kr returent mein milo…

            Kuch dair baad Alina resturent mein pohnchi to Akash wahan uska intzar kr raha tha, dono ny nashta kiya or resturent sy niklay or aik traf chalna shuru ho gye, Car thodi dur parking mein khari thi is liye kuch dur chal kr jana parta tha, Akash ky hath mein uska bag tha, Alina boht khamosh or udaas thi…

Akash: kya hoa aj pehli bar tum itni khamosh ho?

Alina: bs ap ja rhay ho mujhay acha nai lg raha, apky janay ky bad boht akeli si ho jaun gi, apky sath thi to tanhai ka ehsas nai hota tha…

Akash: acha to mujhay bhi nai lg raha lekin ab kya kiya ja skta hy, kbhi na kbhi to bicharna hi parta hy…

Alina: Dobara kbhi milo gy?

Akash: Agr naseeb mein dobara milna likha hoa to inhi raston pr phir mulakat hogi…  (itnay mein wo car ky pas pohnch gye, Akash car mein baith gya) acha ab main chalta hun tum apna khyal rakhna…

Alina: (ankhon mein aansu aa gye) ap bhi apna khyal rakhna…

Akash: (usky aansu pohnchtay hoe) ro mat, mujhay acha nahi lgta ky kisi ki ankhon mein aansu hon..

            Isky sath hi wo wahan sy chla gya, Alina ko boht bura lg raha tha, ab usay aisa lag raha tha jysy wo Akash ko anjany mein psand krny lg gyi hy, lekin usny khud pr kisi trah kabu kiya or apny kamon mein masroof ho gyi, lekin usay bar bar Akash ki yad aati or wo sochon mein gum ho jati or boht dukhi ho jati…

            Dusri janib Akash ky sath bhi kuch aisa hi chal raha tha, usay trip mein ab mzaa nai aa raha tha, boht jgaa ghuma pr wo bat nahi thi jo Alina ky sath musibat mein phansny mein thi, Din guzrtay gye pr na Akash Alina ko bhula skaa na Alina Akash ko…

            Akhir wo din aa gya jb Akash ny wapis Alina ky gaon sy guzr kr jana tha, rastay mein wo soch raha tha ky Alina sy mil kr jye lekin phr usay khyal aya ky ab to wo bhool bhi gyi hogi mujhay, usay tang nai krna chaiye, aisy hi sochtay sochtay wo Alina ky gaon ky nazdek pohnch gya, pehlay to ruknay ka irada tha pr phr usny na ruknay ka faisla kiya, jb wo Alina ky gaon sy kuch agay gya to usay kisi larki ny ruknay ka ishara kiya, wo us larki ka chehra to nai dekh paya lekin kuch agay ja kr wo ruk gya or car ky door ki window open ki, wo larki pas ayi or usny car ki khirki sy andr jhanka to Akash uski traf dekhta hi reh gya, wo larki koi or nai blkay Alina thi…

Akash: Tum….yahan kysy?

Alina: Btati hun zra engin off kr ky bahir to ao…

Akash: ( Car sy Bahir aa kr) Han btao ab…

Alina: shyed tumhain yaad nahi ky tum ny apni car ki trackng ID mere mobile sy delete nai ki thi or abhi tak tmhari car ka address mujhay pta chal raha tha or tum ny btaya tha ky tum 16 tarikh ko wapis jao gy…..

Akash: Bohat chalak ho tum… wapis yahan anay ki wja jan skta hun?

Alina: Han aik baat pouchna bhool gyi thi… (Jhijakty hoe)to wo pouchnay ky lye ayi hun…

Akash: han poucho…aisi kya bat thi jo tum pouchnay ky lye dobara mere pechay ayi?

Alina: Main… pouchna… chahti thi… ky… kya ap… mujhay……lift dy sktay ho?

Akash: Hahahahaha…phir sy lift ky lye ayi ho?

Alina: han lekin is bar mujhay is Car mein nai blkay…. Apki zindgi mein lift chaiye….kya ap do gy?

Akash: ye bhi koi pochnay ki baat thi? Main khud tum sy ye hi pouchnay wala tha, “ Kya tum meri hamsafr bno gi hmesha ky lye?”

Alina: han zrur kiun nai…

Akash: lekin mujhay aik baat ki smjh nai ayi ky tum us larkay ko kiun chor ayi jisay tum pasand krti thi?

Alina: main ny aik baar aik jga likhi hoi aik baat parhi thi, ky zindgi mein hmesha wo hi krna chaiye jo apka dil khay, na ky wo jo halat or dimagh khay, ye such hy ky main usay pasand krti thi or wo aik acha larka hy lekin main itnay dino mein ye baat jan gyi ky jo bhi ho main apko nai bhula skti is liye aj main apny dil ki baat sun kr wapis ayi hun…

 

             

Reviews

[I hate my life]

wow superb story bot achi story hai