Nauubos na Pag ibig

Mga dapat kong iparating pero hindi kayang sabihin.

Hindi ko alam kung saan o kailan
hindi ko alam kung paano o ano
ano ba ang mga dahilan kong ito
sa nararamdamang pagkaubos nito
nitong pag ibig na aking iningatan
at hindi ipagpapalit kanino man

hindi ko alam kung kaya ko pa
kung kayang ipaglaban ka pa
dahil ang pinakamahirap na yugto
ay ang paghawak sa kamay na ito
sa nanlalamig na kamay na pinipilit
kong buhayin at lubos na pinapainit

sa kamay na kusang bumibitaw
sa mga pangako kong tanglaw
hindi ko kayang hawakan ka pa
dahil sa matinding bigat na dala
bigat na bigay ng mga pagkakasala
at iyong pagsasawalang bahala

nais kong magalit at mainis sa'yo
pero 'di mailabas ang kimkim dito
ang mga puot at galit sa pusong 'to
na iyong dinurog ng walang awa
mga pangakong iyong winala
at paghihirap ko dahil ika'y wala

wala sa mga panahong kagaya nito
sa mga pagkakataong ako'y lito
at hindi alam ang mga dapat gawin
ang dapat gawin upang ikaw'y alisin
alisin sa pusong ito na nasugatan
sa pagkakadapa sa iyong pag iwan

Hindi ko alam kung saan o kailan
hindi ko alam kung paano o ano
ano ba ang mga dahilan mong ito
dahilan sa'yong pagalis sa tabi ko
dahilan mo kung bakit mo'ko nilisan
at iniwan lang na parang di'kawalan

Sana hwag kang masaktan sinta
dahil noon pa mahal na mahal kita
at handa sana akong ipaglaban ka
ngunit mahal ko, nasaan kna ba?
nasan ang pangakong di mawawala
pasensya mahal kung nauubos na
nauubos na ang aking pagsinta
nauubos na ang aking "mahal kita"

Author's Note

I'm not that comfortable writing in my own language but, I must say that you should love your own language so I calling out for my kababayans out there please do read my poem. lovelots.