KIPI KIASHIRIA CHA MAENDELEO ENDELEVU?

With 17 Sustainable Development Goals as the roadmap to improves sustainable future for all but achieving all can be determined on what we do now....

Uongozi-kichaka cha haja,

Hoja ya makini ni lahaja,

Ipi   tamu kwa waja,

Kimvita au Kiunguja,

Kwa maendeleo endelevu,

Je, ni kiashiria?

 

Weledi hutengeneza utimilifu,

Uongozi bila kujua ‘madhaifu’,

Hujenga mashirikiano  hafifu,

Uzalendo kwa upande-sarafu,

Kwa maendeleo endelevu,

Je, ni kiashiria?

 

Elimu na soko la  ajira,

Au kichaka pora fikra?

Elimu ya kusaidia jamii,

Imekuwa  bidhaa-adui,

Kwa maendeleo endelevu,

Je, ni kiashiria?

 

Miti 'deile' inapotea,

'Ozoni leya' inateketea,

Uoto asilia unajikaukia,

Tegemeo letu ni mkaa,

Kwa maendeleo endelevu,

Je, ni kiashiria?

 

Kukua kwa matabaka,

Kuishi kwa mashaka,

Leo huyu, kesho nani?

Kapotea, 'alipo' hajulikani,

Kwa maendeleo endelevu,

Je, ni kiashiria?

 

Usawa wa  kijinsia-sare?

Mimba hupoteza elimu bure,

Taifa  linaandaa vichwa bure,

Au tucheze ngoma 'chao kiherehere'

Kwa maendeleo endelevu,

Je, ni kiashiria?

 

‘Yule’ awazuia hawa,

Wake wakitamba sawa,

Demokrasia bila usawa,

Demoghasia kwa wazawa,

Kwa maendeleo endelevu,

Je, ni kiashiria?