Noon Pa Nagsimula

Sisimulan ko ang aking tula sa tatlong salita.

Ikaw: ikaw lamang, kung naririnig mo man, 

ang tanging laman

ng mga katagang aking iluluwal.

Noon: kung kailan kita unang nakilala

panahon at lugar kung kailan

ang puso't isip ko ay naliwanagan.

Simula: It ang simula, ng aking tula, 

na tanging handog, para lamang sa'yo.

Pasadyang mga salita, para lamang sa pandinig mo.

Noon pa nagsimula,

ang aking pagtingin

Di ko na nga mawari, kung kailan eksaktong nahulog ako

sa matamis mong mga ngiti, at ginintuan na puso

Di ko rin maintindihan, sa lahat-lahat ng tao

na puede kong maibigan,

ikaw pa, na sa unang tingin ay walang katangian, ang aking nakursunadahan

marahil nga hindi ito yung tulad nung sabi nilang "love-at-first-sight"

totoo na marahil, hindi ako agad-agad na nagkagusto

hindi ko agad napansin ang sobrang gandang mga katangian mo,

ngunit nang lumaon at nag daan ang panahon,

mas nakilala pa kita, mas nakausap pa kita,

at doon ko na nabatid, kung saaki'y, ano ka ba talaga?

noon ko na nabatid, saakin, kung sino ka nga ba talaga.

Marami na ang nagsabi saakin, isa raw akong hibang

isa raw akong tanga at walang maisip na tama,

bakit daw ba, sa lahat ng taong iba-iba, sa mata ko, natatangi ka?

Bakit nga ba? Bakit nga ba? Bakit nga ba?

Napatanong din ako sa aking sarili, Bakit nga ba?

Isa nga lang ba itong bugso ng damdamin? 

Na walang direksyon at katuturan?

Na walang lalim na pinaghuhugutan?

Isa lamang ba itong pagkahibang, na dulot ng aking purong kapusukan?

Ilang gabi akong hindi mapakali at hindi mahimbing

Ilang gabi akong nagtaka, bakit nga ba? Bakit nga ba?

Patuloy na ngatanoong, kahit habang natutulog.

Nang biglang aking naisip.

Hindi ko alam, kung ano man

Ang nakita ko sa'yo, at ako'y baliw na baliw sa bawat ngiti mo.

Hindi ko alam kung bakit ikaw, 

ang tanging natatangi, sa mata kong sinisilaw ng araw.

Kailangan ba ng rason? Para ikaw ay mahalin?

Hindi pa ba sapat, na ika'y aking ibigin?

Nagmahal ako sa'yo, dulot ng aking desisyon

Nangako ako sa sarili ko, handa akongibigay lahat-lahat para sa'yo

Nang walang hinihinging kapalit

Bumalik man saki'y puro pait.

Nangako ako, na hindi ako aasa, ng anumnag balik, 

hindi ako mag-iisip ng kung ano mang ganti

Matapos mo mang malaman ang mga bagay na ito, maging kaibigang ka lamang, ay malaki nang "bonus" ko.

Noon pa nagsimula,

Ang aking pangako, ang aking pag-ibig, at ang gawain ng bata kong puso

Ang hayaan ka, sa kung saan ka masaya

Kaya nama'y ako ay dumistansya,

upang ika'y mas maging malaya,

upang mas maging masaya ka, nakangiting natutuwa, sa tabi ng iyong sinisinta.

Noon pa nagsimula, na ako'y lumuha, 

Dahil sa konting lungkot at sapat na tuwa.

Sa pagkakataong ibinigay saakin ng Nakatataas

Upang ikaw ay makilala at makasama, 

Upang ikaw ay makilala ng lubos pa.

Masaya at lumuluha,

Na sa isip ko, kasama kita, ngunit kailanma'y hindi tayo magiging isa.