Haskang Lawgawa!

HASKANG LAWGAWA! 

Naunsa mang pagkaunsaa 

Nganong naingon-ani man ta 

Kitang upat higala 

Kauban ta sa pag-alagad Niya

Nag-inampuay ta sa usa'g usa 

Gipangayo ta Iyang mga paggiya 

Sa atong mga kaluya 

Sa kanunay nagdinasigay ta 

Kaalam maoy atong pangaliya 

Apan naunsa naman ta 

Ikaw ug siya 

Ako batok niya 

Haskang lawgawa! 

Kining tanan lihok sa kontra 

Di unta ta magpadala 

Sa ilad sa kasingkasing ta 

Pagbuot sa Dios agdon ta 

Kung unsay maayo para Niya

Mao'y dawaton ta 

Tanan may katuyuan Siya 

Ablihan ta ang atong mga mata 

Maminaw ta sa pulong Niya 

Sundon ta Siya 

Walay ikaw ug siya 

Ako batok niya 

Ang tinuod tang kontra 

Dili ang usa'g usa 

Busa mag-inampuay ta mga higala!