Paglig-on!

Buot mang manipulahon aron ikaw magmalipayon, apan kinahangglan magmapugnganon kay mao kini ang angay karon

PAGLIG-ON!

Dayag nga ikaw nagmasub-anon

Sa mga butang nga buot mong sabton

Nasud-ong mo ang pagkamabudhion

Daw gikunis-kunis ang dughan sa daghang higayon

Apan ayaw palabi igsuon

Kining tanan bunga ra sa imong pagkamadudahon

Kung ikaw sa Dios nagmasaligon

Kahadlok ug kabalaka ikaw walay rason

Buot  mang manipulahon

Aron ikaw magmalipayon

Apan kinahanglan magmapugnganon

Kay mao kini ang angay karon

Pinangga kong igsuon intawn paglig-on!

Kanimo padayon nga nagma-inampoon

Taliwala sa malibugon nga sitwasyon

Ang Dios mao'y atong hulaton

Kabubut-on sa Amahan mao'y agdon

Dili ang atong kaugalingon

Saligan ta nga Siya matinunanon

Nga kining tanang kalibog Iyang humanon

Reviews

[YanZeros]

Mao gyud ni gyud ang akong kailangan karon ang paglig-on. Salamat sa pag ambit sa imong kaalam.

[Himaya Ka]

Ang Dios ang tuburan sa tanan nga putling kaalam. For the first time, naay nakasabot ug bisaya. Salamat Sugbuanon! God bless!

[YanZeros]

Natural ra na.

[YanZeros]

God bless, ug pag amping.

[Himaya Ka]

Thank you! Kamo sab, amping. BBQ nasad baya :D