"Haw Cathie, yir some wumin!"

A poem about my gran who to me was an independent, strong and opinionated woman! A force to be reckoned with as they say.

Work claes oan, hair in rollers n a scarf
This is ma attire till ma weekend aff
Goat joabs tae dae, nae time fur grace
Ave no even goat time tae make up ma face
Ma joabs fur the day ir cleanin ma work or ma hoose
Cannae wait fur the weekend, ma time tae let loose
Ave brought up ma famely, they hiv both moved oot
It’s time fur me n Pat noo tae get oot n aboot
A hard week ave hid bein the good wee wife
Noo it’s time fur me n Pat tae lead the high life
But first ‘hings first an efternoon doon the toon
A need a new dress tae wear any colour will dae except fae brun
Up the road, “right Pat get that bath ran”
Ave got a dress tae iron before we're on the ran dan
Ma new black sequined dress shimmers under the big light
Pat says al be the bell eh the ball in that the night
Noo we’re ready, time fur a wee drink
Nearly time fur the coat to go oan, al wear ma new mink
Soon our lift arrives, she toots the horn
It’s our Carol, she is a good lassie, shes ma last born
Am runnin late so a shout oot the windae tae tell her am comin
She shouts back tae me “Haw Ma, yir some wumin “
We get tae the club a refuse to pay the fee
This club widnae hiv a party if it wisnae fur me
Pat gets me a drink, a chilled Bacardi n coke
Am oan the puggie, I never leave broke
Am glad tae see naebodies sittin oan ma seat
But a might never get there fur awe the pals that a meet
First time awe week that am finally relaxin
No be fur long though cause soon al be dancin
The band starts playin and the drinks are flowin
It won’t be long noo till the dancin starts goin’
I soon get ma Pat oan tae the danceflare
Me n him havin a rare wee taire
The nights noo in full swing
Here goes ma Pat, he’s gettin up tae sing
Awe naw the nights nearly oor time tae go hame
Awe wait a minute everyone back tae mine, that’s if yir awe still game
Back to mine fur a rare wee party am the perfect hostess
But ave hid anuf noo it's getting late n a need oot this dress
Everybodies leavin n a dae a quick wee clean
Pat geis me a hawn we’re a perfect wee team
Soon we're awe done, it’s noo time tae turn in
Pat looks me in the eyes and says “Haw Cathie, yir some wumin”

Author's Note

This is written in Glasgow dialect