Zindagi Talashte Talashte

The journey overall. A hindi poem

Zindagi talashte talashte

zindagi talashte talashte kuch chehre mile, strange se the,
bedhange bhi aur dhang me ghule hue bhi

Mene muskaan ke sath sabhi ko gale lagaya...
kisi ne palat kar smile bhi ki toh kisi ne tedha mu bhi banaya

Zindagi talashte talashte jo khubsurat roohe thi
woh family aur friends ke naam se meri duniya ban gayi

kuch pareshan se bhi chehre the jinhe me muaf karke piche chorh chala aaya

Zindagi talashte talashte hua kuch yun ki ab maza aata hai
jab sochta hu us sehme hue, gire hue, thokar khae hu "me" ko...

Jahd karte karte kuch seekha aur kuch sikhaya logo ko

Aaj kal philosophy karne lag gaya hu, jaise ki dimaag labalab bhara ho
gyaan ka samundar mere hi andar ho

sabka saahil me hi hu jaise
sabka dariya me hi hu

Zindagi talashte talashte precious moments samajh me aa gaye
ki darasal woh kaun se the..

ek yaado ka sandooq banaya aur tamaam khushiyo se bhare pal usme qaid kar liye

zindagi talashte talashte....

ek anhad khubsurat si priorities ki list bana li
jo dil ko bhaya use list me upar rakh liya

Zindagi talashte talashte majbooriyo ke sath bahut pyaar kiya
woh kya kehte hai, the toh bahut 'rude' lekin the toh apne hi

ginger wali chai ki chuski lete jab kaam kar rahe hote
khud ka mazak uda lete jab mushkilo me hum rehte

zindagi talashte talashte
humne 'fear of death' ko overcome kar liya
fir jo chatpate se din bite un ka luft aaj bhi labo me zinda hai

jo kuch chote mote jhakhm the unhe ignore kiya, kureta hi nahi
itne dhundhle ho gaye hai ab ki skin me hardly nazar aate hai

zindagi talashte talashte
hum itna door nikal aaye ki mere apne mujhe ab tak phone pe call karte hai
facebook ki post par mehez tag nahi karte

ab me fb pe friend request accept nahi karta,
logo se rubaroo hota hu, hath milata hu, gale milta hu

zindagi talashte talashte
ye samajh aaya ki jo kehte the "koi nahi kal" milenge
aaj hissa ban gaye hai mere "chro ni cles" ka

logo ka aana meri circle of agreement me hai
lekin logo ka jana meri range of power ke bahar
aur unhi logo ka rehna humari mutual understanding ka khel hai

zindagi talashte talashte zindagi akhir mil hi gayi kuch sehsa lamho me...

Author's Note

Let me know how it is?