Kuch raabta

"There is a Great Value in Disaster, Because We can start all over again" ~ sir edison

Kuch rabta zarur hai tanhai ka mohhabat ke sath
akeli raat me jo ankhe bhar aati hai tumhari
Itefaq toh nahi, kuch wajah toh hogi
Ki yunhi taaro ko taak rahe ho, aashiq ho ya sarfire

Koi shikayat kar rahe ho tum badlo se shayad
Kisi ki ruswai ka gam hai shayad tumhe
Itni raat me jaha aksar sapno ki mehfile saja karti thi
Waha tum, yaado ke mele me kho se gaye ho

Kya koi jhakhm mila hai tumhe, koi dard hai jo phaas ban ke reh gaya hai
Jaha aise aalam me(raat ke) aankhe band karte hai log
Na jaane kya tum apni kalam se kagaz ko awaaz de rahe ho
Zindagi ki shikayato ko baya nahi kiya jaata hai, aisa suna tha mene
Lekin ek tum ho jo, likhte hi ja rahe ho

Kya likh rahe ho yahi ki , tumhare hisse me muddato tak khusiya nahi aayi
Ya tumne dekhi nahi, jo guzar gayi tumhe ishaara karke
Kya likh rahe ho yahi ki, zindagi tumse kuch wafa na kar saki
Ya tumne samjha nahi, jo seekh woh tumhe de gayi

Apne falsafe ko kaagaz me likh kar faad dete ho
Dil se dard aise kabhi khatam nahi hota
Jo ghar hai tumhare dil ka woh bhara hua hai raakh se
Khusiya aaye bhi toh rehne ki jagah kaise doge tum
Sard hawa me bhi tum bina alaav ke baithe ho,
shayad
Kuch raabta zarur hai tanhai ka mohabbat ke sath

Author's Note

Again a hindi piece!!

Reviews

[hania azhar]

Very nicely written. I absolutely love your hindi poems. Keep writing. :)

[Happy hours]

Thank you very much... :)

[hardeep sabharwal]

Congratulations, very nicely written work :)

[Happy hours]

Thanks a lot... :) :)

[Vatsal Rohilla (account..]

"Jo ghar hai tumhare dil ka woh bhara hua hai raakh se
Khusiya aaye bhi toh rehne ki jagah kaise doge tum "
Janaab, tabiyat khush kardi aapne. Kya khoob baat kahi hai. Tanhai ko, gham ko kya khood dhang se bayaan kiya hai. Kaagaz par apne jazbaaton ko utaarna, phir usi kaagaz ko faad dena. Tanhai bhi kamaal ki cheez hai, tanha aadmi sochta rehta hai, aur jo sochta hai use likh daalta hai aur phir wahi faad deta hai. Shab-e-gham ko behatareen alfaazon se aapne iss kavita mein bayaan kara hai.

Keep writing.

[Happy hours]

vatsal bahut bahut dhanyawaad apka. Keep inspiring me by your words... :)