Soldier Monologue

This is my one of the Hindi Writing

Maa, Me ek bahut bade maidaan me akela khada tha jaha door door tak mujhe sirf dhool nazar

aayi, lekin jab mere samne se dhool ka parda utara toh mene zanjeero se jakdi kuch deeware paayi,

haan maa, ye maidaan bata hua tha, shayad kabhi humi ne iske do tukde kar diye aur ban gaye hum

jaanwar lag gaye hum ek daud me ek dusre ko neecha dikhane ki, ek dusre ko harane ki, hum bhi

apna haq apni zameen pe jatane lage, humne bhi shuru kar di heen bhavna aur woh bhi un par jo

bilkul humari tarah dikhte hai....Maa pata hai yaha se bahut door kuch log humpe har waqt har pal

nigrani rakhte hai unhe intezaar hai humare aankh moond lene ka, lekin hum chain se so sakte hai

kya maa, ye humari zimmedari hai ki hum 100 crore sote hue logo ko suraksha ka aashwasan de sake

itna toh hum kar sakte hai na maa, Maa woh log kehte hai ki laut jao warna maar diye jaoge lekin

maa aap hi batana jab me bachpan me chote chote kadam chal ke gir jaya karta tha tab kya apne

mujhe chalne se roka tha, jab me school me race haar jaata tha woh aap hi toh the jo mera honsla

badate the...Maa humne toh keh dia inse ki humari maaee ghar pe baith ke aaj bhi garv se kehti hogi

“Woh beta humara hai jo 100 dushmano ko maar ke shaheed hua”. Maa mujhe pata nahi ki aage kya

hoga sab kuch andhere jaisa hai par maa kya aap se is baat ki umeed kar sakta hu ki mere shaheed

hone par apko bahut garv hoga aur kya aap aage bhi logo ko desh ke prati jagate rahenge, Mera bas

chalta toh me apki godd me baithkar zindagi bhar sone ko tyaar tha par Maa is baar dharti maa ki

chadar lapet ke dekh lu.....Me jung ladne ja raha hu maa mujhe apka aashirwaad nahi apka honsla

chahiye